އދ ގެ އިންސާނީ ހައްގުތަކާ ބެހޭ ކޮމިޓީއަށް ރާއްޖެއިން އަނެއްކާ ވެސް ވާދަކުރާނެ ކަމަށް ފޮރިން މިނިސްޓަރ ޑރ އަބްދު الله ޚަލީލް ވިދާޅުވެއްޖެއެވެ.
މިނިސްޓަރު މިފަދައިން ވިދާޅުވީ، އ.ދ ގެ އިންސާނީ ހައްގުތަކާބެހޭ ކައުންސިލްގެ 61 ވަނަ ސެޝަންގެ އާންމު ބަހުސްގައި ތަގުރީރު ކުރައްވަމުންނެވެ.
މިނިސްޓަރުގެ ބަހުސްގައި ވިދާޅުވީ، ޔުނިވަރސަލް ޑެކްލަރޭޝަން އޮފް ހިއުމަން ރައިޓްސްގެ އުސޫލިތަކަށް ރާއްޖެއިން އަބަދުވެސް ދެމިތިބޭނެ ކަމަށެވެ. މީގެއިތުރުން، ކޮންމެ މީހަކީވެސް މިނިވަންކަމާއި ހަމަހަމަކަން އަދި އިންސާނީ ހައްގުތައް ކަށަވަރުވެފައިވާ ބައެއް ކަން ފާހަގަކުރައްވާ، އެ އުސޫލުތައް ނެގެހެއްޓުމަކީ ބައިނަލްއަގުވާމީ މުޖުތަމައުގެ ޒިންމާއެއްކަމަށް މިނިސްޓަރ ވަނީ ވިދާޅުވެފައެވެ.
އިންސާނީ ހައްގުތައް ކުރިއެރުވުމުގައި ބައިނަލްއަގުވާމީ ގުޅުންތައް އިތުރަށް ބަދަހިކުރުމުގެ މުހިއްމުކަމުގެ މައްޗަށް ވެސް މިނިސްޓަރުގެ ތަގުރީރުގައި އަލިއަޅުވާލެއްވިއެވެ.
ހަމަމިއާއެކު، ރާއްޖޭގައި ޑިމޮކްރެޓިކް ވެރިކަން ހަރުދަނާ ކުރުމަށާއި،ގާނޫނު ހިންގުމަށާއި އަދި މުއައްސަސާތައް ޖަވާބުދާރީ ކުރުމަށް ގައުމީ ފެންވަރުގައި ކުރެވޭ މަސައްކަތްތައް މިނިސްޓަރު ވަނީ ފާހަގަކުރައްވާފައެވެ.
ކުޑަ ޖަޒީރާ ގައުމެއްގެ ހައިސިއްޔަތުން ރާއްޖެއިން މަސައްކަތްކުރަނީ، ކުޑަކޮށް ތަރައްގީވެފައި ހުންނަ ގައުމުތަކާއި ތަރައްގީ ވަމުން އަންނަ ކުދި ޖަޒީރާ ގައުމުތަކަށް ދިމާވެފައިވާ ގޮންޖެހުންތައް ހައްލު ކުރުމަށް ރާއްޖެއިން އަބަދުވެސް މަސައްކަތްކުރާކަމަށް މިނިސްޓަރު ވިދާޅުވިއެވެ.
