ހއ. ދިއްދޫގެ އެއާޕޯޓާއި ބޯހިޔާވަހިކަމަށް ބޭނުންވާ ބިން ހިއްކުމުގެ މަޝްރޫއުގެ އަމަލީ މަސައްކަތް 50 ދުވަހުގެ ތެރޭގައި ނިންމާލައިފި އެވެ.
އެމްއޭސީއެލްގެ ދަށުން ހިންގި މި މަޝްރޫއުގެ ދަށުން 112 ހެކްޓަރުގެ ބިން ހިއްކާ ނިންމާފައިވާކަން އިއުލާނު ކުރެއްވީ ރައީސުލްޖުމްހޫރިއްޔާ ޑރ. މުހައްމަަދު މުއިއްޒު ސޯޝަލް މީޑިއާގައި ހިއްސާކުރެއްވި ޕޯސްޓެއްގަ އެވެ.
މި މަސައްކަތް ކުރިޔަށް ގެންދިޔައީ ދުނިޔޭގައި މިވަގުތު އޮތް އެންމެ ބޮޑު އެއް ޓްރެއިލިން ސަކްޝަން ހޮޕާ ޑްރެޖަރު "ލީވް އެރިކްސަން" ބޭނުންކޮށްގެނެވެ.
އެގޮތުން "ލީވް އެރިކްސަން" ޑްރެޖަރަކީ އެއްފަހަރާ 46,000 ކޮޑި މީޓަރުގެ ވެލި ބޭރުކުރުމުގެ ގާބިލުކަން ހުރި، ދުނިޔޭގައި މިވަގުތު އޮތް އެންމެ ޒަމާނީ އަދި އެންމެ ބާރުގަދަ ދެ ޑްރެޖަރުގެ ތެރެއިން އެއް ޑްރެޖަރެވެ.
