މޯލްޑިވްސް ޕޯޓްސް ލިމިޓެޑް (އެމްޕީއެލް)އިން މިދިޔަ ހޮނިހިރު ދުވަހު އެންމެ ގިނައިން ކްލިއާކޮށްފައިވަނީ ދޮންކޭލާ ފިޔާ ޕެކޭޖުތައް ކަމަށް ތަފާސްހިސާބުތަކުން ދައްކައިފި އެވެ.
އެމްޕީއެލްގެ ތަފާސްހިސާބުތަކުން ދައްކާގޮތުގައި މިދިޔަ ހުކުރު ދުވަހު ގިނައިން ކްލިއާ ކޮށްފައިވަނީ، ފިޔާ އެވެ. އެގޮތުން އެމްޕީއެލް އިން ވަނީ 4840 ފިޔާ ޕެކޭޖު ކްލިއާ ކޮށްފަ އެވެ. އަދި ދެވަނައަށް އެންމެ ގިނައިން ކްލިއާކޮށްފައި ވަނީ 1179 ބަސްތާ ދޮންކޭލެވެ. ދެން ކްލިއާކޮށްފައިވަނީ:
- 306 ޓޮމާޓޯ ބަސްތާ
- 2195 ބިސް ކޭސް
- 216 ބަސްތާގެ ކެބެޖު
- 1954 ކަރާ ބަސްތާ
- 144 އަލަނާސި ބަސްތާ
- 320 ބަސްތާގެ ޒުވާރި
- 766 ބަސްތާގެ އަލުވި
- 70 ބަސްތާގެ އަނބު
މީގެއިތުރުން އެމްޕީއެލްއިން ވަނީ، ކޮންޓެއިނަރާއި ވަކިވަކި ކޮންސައިމަންޓު ހިމެނޭހެން ޖުމްލަ 4135 ފްރެއިޓް ޓަނުގެ ތަކެތި ރާއްޖެ އެތެރެކޮށް ކްލިއާކޮށްފަ އެވެ.
އެއީ 295 ކޮންސައިންމެންޓުގެ މުދަލެވެ. ރޯދަމަހު މާލޭ ވިޔަފާރި ބަނދަރަށް ގެންނަ އަވަހަށް ހަލާކުވާ ޒާތުގެ ތަކެތި ކްލިއާ ކުރުމުގެ ގޮތުން އެމްޕީއެލުން ވަނީ މާލޭ ވިޔަފާރި ބަނދަރުގައި 3،000 އަކަފޫޓުގެ ޝެޑެއް މިކަމަށް ހާއްސަކޮށްފަ އެވެ. މި
ޝެޑް ހެދުމުން، އަވަހަށް ހަލާކުވާ ޒާތުގެ ކާބޯތަކެތި އަވަހަށް ބާލައި، ބެހެއްޓުމަށް އިތުރު ޖާގައެއް ލިބި، މިފަދަ ހަލުވި ކަމާއެކު ކްލިއަރކުރުމަށް މަގުފަހިވެގެންދާނޭކަމަށް އެމްޕީއެލުން ވަނީ ބުނެފަ އެވެ.
