މޯލްޑިވްސް ޕޯޓްސް ލިމިޓެޑް (އެމްޕީއެލް)އިން މިދިޔަ ހުކުރު ދުވަހު އެންމެ ގިނައިން ކްލިއާކޮށްފައިވަނީ އަލުއްވާއި ފިޔާ ޕެކޭޖުތައް ކަމަށް ތަފާސްހިސާބުތަކުން ދައްކައިފި އެވެ.
އެމްޕީއެލްގެ ތަފާސްހިސާބުތަކުން ދައްކާގޮތުގައި މިދިޔަ ހުކުރު ދުވަހު ގިނައިން ކްލިއާ ކޮށްފައިވަނީ، ފިޔާ އެވެ. އެގޮތުން އެމްޕީއެލް އިން ވަނީ 900 ފިޔާ ޕެކޭޖު ކްލިއާ ކުށްފަ އެވެ. އަދި ދެވަނައަށް އެންމެ ގިނައިން ކްލިއާކޮށްފައި ވަނީ 360 ބަސްތާ އަލުވި އެވެ. ދެން ކްލިއާކޮށްފައިވަނީ:
- 252 ޓޮމާޓޯ ބަސްތާ
- 87 ބިސް ކޭސް
- 90 ބަސްތާގެ ކެބެޖު
- 40 ކަރާ ބަސްތާ
- 18 އަލަނާސި ބަސްތާ
- 8 ބަސްތާގެ ދޮންކެޔޮ
- 20 ބަސްތާގެ ބަރަބޯ
- 7 ބަސްތާގެ ޕެޝަން ފްރުޓް
މީގެއިތުރުން އެމްޕީއެލްއިން ވަނީ، ކޮންޓެއިނަރާއި ވަކިވަކި ކޮންސައިމަންޓު ހިމެނޭހެން ޖުމްލަ 1057 ފްރެއިޓް ޓަނުގެ ތަކެތި ރާއްޖެ އެތެރެކޮށް ކްލިއާކޮށްފަ އެވެ.
އެއީ 44 ކޮންސައިންމެންޓުގެ މުދަލެވެ. ރޯދަމަހު މާލޭ ވިޔަފާރި ބަނދަރަށް ގެންނަ އަވަހަށް ހަލާކުވާ ޒާތުގެ ތަކެތި ކްލިއާ ކުރުމުގެ ގޮތުން އެމްޕީއެލުން ވަނީ މާލޭ ވިޔަފާރި ބަނދަރުގައި 3،000 އަކަފޫޓުގެ ޝެޑެއް މިކަމަށް ހާއްސަކޮށްފަ އެވެ. މި
ޝެޑް ހެދުމުން، އަވަހަށް ހަލާކުވާ ޒާތުގެ ކާބޯތަކެތި އަވަހަށް ބާލައި، ބެހެއްޓުމަށް އިތުރު ޖާގައެއް ލިބި، މިފަދަ ހަލުވި ކަމާއެކު ކްލިއަރކުރުމަށް މަގުފަހިވެގެންދާނޭކަމަށް އެމްޕީއެލުން ވަނީ ބުނެފަ އެވެ.
