މިދިޔަ ބުރާސްފަތި ދުވަހު މޯލްޑިވްސް ޕޯޓްސް ލިމިޓެޑް (އެމްޕީއެލް)އިން އެންމެ ގިނައިން ކްލިއާކޮށްފައިވަނީ ކުކުޅު ބިހާއި ފިޔާ ޕެކޭޖުތައް ކަމަށް ތަފާސްހިސާބުތަކުން ދައްކައިފި އެވެ.
އެމްޕީއެލްގެ ތަފާސްހިސާބުތަކުން ދައްކާގޮތުގައި މިދިޔަ ބުރާސްފަތި ދުވަހު ގިނައިން ކްލިއާ ކޮށްފައިވަނީ، ބިހެވެ. އެގޮތުން އެމްޕީއެލް އިން ވަނީ 3،658 ކޭސް ބިސް ކްލިއާ ކުށްފަ އެވެ. އަދި ދެވަނައަށް އެންމެ ގިނައިން ކްލިއާކޮށްފައި ވަނީ 2،165 ބަސްތާ ފިޔާ އެވެ. ދެން ކްލިއާކޮށްފައިވަނީ:
- 3،658 ބިސް ކޭސް
- 2،165 ފިޔާ ބަސްތާ
- 1،224 ޓޮމާޓޯ ބަސްތާ
- 926 އަލުވި ބަސްތާ
- 792 އަލަނާސި ބަސްތާ
- 600 ކަރާ ބަސްތާ
- 224 ދޮންކެޔޮ ގަނޑު
- 556 ބަސްތާގެ ކެބެޖު
- 170 ބަސްތާގެ މެލަން
- 122 ބަސްތާގެ ބަރަބޯ
މީގެއިތުރުން އެމްޕީއެލްއިން ވަނީ، ކޮންޓެއިނަރާއި ވަކިވަކި ކޮންސައިމަންޓު ހިމެނޭހެން ޖުމްލަ 3،260 ފްރެއިޓް ޓަނުގެ ތަކެތި ރާއްޖެ އެތެރެކޮށް ކްލިއާކޮށްފަ އެވެ. އެއީ 167 ކޮންސައިންމެންޓުގެ މުދަލެވެ. ރޯދަމަހު މާލޭ ވިޔަފާރި ބަނދަރަށް ގެންނަ އަވަހަށް ހަލާކުވާ ޒާތުގެ ތަކެތި ކްލިއާ ކުރުމުގެ ގޮތުން އެމްޕީއެލުން ވަނީ މާލޭ ވިޔަފާރި ބަނދަރުގައި 3،000 އަކަފޫޓުގެ ޝެޑެއް މިކަމަށް ހާއްސަކޮށްފަ އެވެ. މި ޝެޑް ހެދުމުން، އަވަހަށް ހަލާކުވާ ޒާތުގެ ކާބޯތަކެތި އަވަހަށް ބާލައި، ބެހެއްޓުމަށް އިތުރު ޖާގައެއް ލިބި، މިފަދަ ހަލުވި ކަމާއެކު ކްލިއަރކުރުމަށް މަގުފަހިވެގެންދާނޭކަމަށް އެމްޕީއެލުން ވަނީ ބުނެފަ އެވެ.
