ބޮޑުތަކުރުފާނުމަގު ތަރައްގީކުރުމުގެ މަޝްރޫއުގެ މަސައްކަތް ކުރުމަށް ހުސްކޮށްފައިވާ މާލެ ނޯތު ހާބަރު ސަރަހައްދު އުޅަނދުތަކައް ހުޅުވާލައިފި އެވެ.

މޯލްޑިވްސް ޕޯޓްސް ލިމިޓެޑު (އެމްޕީއެލް)އިން ބުނިގޮތުގައިނޯތު ހާބަރުގައި ކުރިން ބަންދުކުރި ސަރަހައްދު މިހާރު ވަނީ، މުދަލާއި ޕަސެންޖަރުން އުފުލާ ކަނޑު އުޅަނދު ފަހަރާއި މަސް އޮޑި ފަހަރަށް ހުޅުވާލާފަ އެވެ. މި ސަރަހައްދު ހުރިހާ އުޅަނދަކަށް ހުޅުވާލާފައި ވަނީ ރޭ 11:00 އިން ފެށިގެންނެވެ.

މީގެއިތުރުން އެމްޕީއެލްއިން ބުނި ގޮތުގައި، މި ސަރަހައްދުގައި އުޅަނދުތަކަށް ބަނދަރުކުރެވޭނީ މާލޭ ނޯތު ހާބަރުގައި އަމަލުކުރާ އުސޫލުތަކާއި ގަވާއިދުތަކަށް ފެތޭ ނަމަ އެވެ.

ބޮޑުތަކުރުފާނުމަގު ފުޅާކޮށް ތަރައްގީކުރުމުގެ މަޝްރޫއުގެ ދަށުން  ތާރު އަޅ،ާ ހިނގާ މީހުންނަށް ވަކި ލޭނެއް ގާއިމުކޮށް، ފެންހިންދާ ނިޒާމެއް ވަނީ ގާއިމުކޮށްފަ އެވެ. މި މަޝްރޫއަކީ 144.50 މިލިއަން ރުފިޔާއަށް 455 ދުވަސްތެރޭ ނިންމުމަށް އެމްޓީސީސީއާ ހަވަލުލުކޮށްފައިވާ މަޝްރޫއެކެވެ.