ވިޔަފާރިވެރިންނަށް ފަސޭހަ ކުރުމަށްޓަކައި 3،000 އަކަފޫޓުގެ ޝެޑެއް ވިޔަފާރި ބަނދަރުގައި ހަދާފައިވާ ކަމަށް އެމްޕީއެލްއިން ބުނެފި އެވެ.
އެމްޕީއެލްއިން ބުނިގޮތުގައި، ރޯދައަށް 3000 އަކަފޫޓުގެ ހިޔާ ކުރެވިފައިވާ ޝެޑެއް ހަދާފައި ވަނީ ވީހާވެސް އަވަހަށް ވިޔަފާރަވެރިންނަށް ޕެރިޝަބަލް ގޫޑްސް ކްލިއާކުރެވޭނެ މަގު ފަހިކޮށްދިނުމުގެ ގޮތުން ކަމަށެވެ. މި ޝެޑް ހެދުމުން، ޕެރިޝަބަލްސް އަވަހަށް ބާލައި، ބެހެއްޓުމަށް އިތުރު ޖާގައެއް ލިބި، އަވަހައް ކްލިއާކުރުމަށް މަގުފަހިވެގެންދާނެކަމަށް ވެސް އެކުންފުނިން ބުންޏެވެ.
މާލޭ ވިޔަފާރި ބަނދަރުން އިއްޔެ މެންދުރާ ހަމައަށް، 13،113 ޕެކޭޖްގެ އަވަހަށް ކުނިވާ ޒާތުގެ މުދާ ވަނީ ކްލިއާކޮށްފައެވެ. އެއީ ޖުމްލަ 480 ޓަނޭޖްގެ ޕެރިޝަބަލް މުދާކަމަށް އެމްޕީއެލުން ވަނީ ބުނެފަ އެވެ. މާލޭ ވިޔަފާރި ބަނދަރުގައި އިއްޔެ އޮތް ހުރިހާ ބޯޓެއް އެމްޕީއެލުން ވަނީ ކުލިއާ ކޮށްފަ އެވެ. އަދި ރޭ 00:00 އާ ހަމައަށް ކްލިއާކުރުމުގެ މަސައްކަތްތައް އެކުންފުނިން ވަނީ ކުރިއަށް ގެންގޮސްފަ އެވެ.
