100 ރުފިޔާގެ ނޫޓުގެ ސްޓޮކް މަދުވުމާ ގުޅިގެން އާ ސްޓޮކެއް ގެނެސްފައިވާ ކަމަށް މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން ބުނެފި އެވެ.
އެމްއެމްއޭއިން މިއަދު ނެރުނު ބަޔާނެއްގައި ބުނީ "ރަން ދިހަފަހެއް" ނޫޓު ސީރީޒްގެ ނޫޓުތަކުގެ ތެރެއިން 100 ރުފިޔާގެ ނޫޓުގެ ސްޓޮކް މަދުވުމުގެ ސަބަބުން މިއަދު އާ ސްޓޮކެއް ރާއްޖެއަށް ގެނެސްފައިވާ ކަމަށެވެ.
މި އާ ޗާޕުތައް ނެރެފައި މިވަނީ އިގްތިސާދުގައި ނަގުދު ފައިސާ އަށް އަލަށް އުފެދޭ ޑިމާންޑަށާއި މި އޮތޯރިޓީ އަށް ލިބޭ ނޫޓުގެ ތެރެއިން ބައުވެ ހަލާކުވެގެން ނަގާ ނޫޓު ތަކުގެ ބަދަލުގައި ބޭނުންކުރުމަށެވެ.
މިމަހުގެ ކުރީކޮޅުވެސް އެމްއެމްއޭއިން ވަނީ ސްޓޮކް މަދުވުމުގެ ސަބަބުން 20 ރުފިޔާގެ އައު ނޫޓުތަކެއްވެސް ގެނެސްފަ އެވެ. ސަލާމަތީ ވަރުގަދަ ފީޗާތަކަކާ އެކު ޕޮލިމާކޮށްގެން ތައްޔާރުކޮށްގެން މިހާރު ބޭނުން ކުރަމުން އަންނަނީ "ރަންދިހަ ފަހެއް" ނޫޓު ސީރީޒް ބޭނުންކުރަން ފެށީ 2016 ގެ ޖެނުއަރީގަ އެވެ.
