ބޮޑުތަކުރުފާނުމަގު ފުޅާކޮށް ތަރައްގީކުރުމުގެ މަޝްރޫއުގެ ދެވަނަ ސެގްމެންޓް ނިންްމުން ފާހަގަކުރަން ގަސް އިންދުމުގެ ހަރަކާތެއް ބާއްވައިފި އެވެ.
މި ހަރަކާތަކ،ީ މި މަޝްރޫއުގެ ދެވަނަ ފިޔަވަހީގެ މަސައްކަތް ރަސްމީކޮށް ނިމުނުކަން ފާހަގަ ކުރުމުގެ ގޮތުން އެމްޓީސީސީން ބޭއްވި ހަރަކާތެކެވެ. މި ހަރަކާތުގައި ހައުސިން މިނިސްޓަރު ޑރ. އަބްދުﷲ މުއްތަލިބްއާއ،ި ސަރުކާރުގެ ވަޒީރުންނާއ،ި އެމްޓީސީސީގެ އެމްޑީ އަހުމަދު ސައުދީ އަދި ސަރުކާރު ބައެއް ކުންފުނިތަކުގެ އިސްވެރިންވެސް ބައިވެރިވެވަޑައިގެންނެވި އެވެ.
ބޮޑުތަކުރުފާނުމަގު ފުޅާކޮށް ތަރައްގީކުރުމުގެ މަޝްރޫއުގެ ފުރަތަމަ ފިޔަވަހި ނިންމާ ހުޅުވާލާފައިވަނީ 8 ޑިސެމްބަރު 2025 ވަނަ ދުވަހު އެވެ. މި މަޝްރޫއުގެ ސްކޯޕުގެ ދަށުން 830 މީޓަރުގެ މަގެއް ވަނީ ހަދާ، 737 މީޓަރުގެ ސަރަހައްދެއްގައި ޝީޓް ޕައިލް މަސައްކަތް ވަނީ ކޮށްފަ އެވެ. އަދ،ި ސަބްބޭސް އާއި އޭބީސީ ތައްޔާރުކޮށް ތާރު އަޅ،ާ ހިނގާ
މީހުންނަށް ވަކި ލޭނެއް ގާއިމުކޮށް، ފެންހިންދާ ނިޒާމެއްވެސް ވަނީ ގާއިމުކޮށްފަ އެވެ.
މީގެއިތުރުން، ޑްރޭއިނޭޖް ސާވިސް ލައިން އެޅުމާއ،ި މަގު ބައްތި ހަރުކުރުމާއި މަގުމަތީ ނިޝާން ހަރުކުރުމުގެ މަސައްކަތްވެސް މި މަޝްރޫއުގެ ދަށުން ވަނީ ކޮށްފަ އެވެ. މި މަޝްރޫއަކީ 144.50 މިލިއަން ރުފިޔާއަށް 455 ދުވަސްތެރޭ ނިންމުމަށް އެމްޓީސީސީއާ ހަވަލުލުކޮށްފައިވާ މަޝްރޫއެއް ނަމަވެސް މި މަޝްރޫއުވަނީ މިޔަށްވުރެ ކުރިން ނިންމާ ސަރުކާރާއި ހަވާލުކޮށްފަ އެވެ.
މި މަގުގެ ދެވަނަ ފިޔަވަހި ނިންމާ އާންމު ރައްޔިތުންގެ ބޭނުމަށް މިއަދު ހުޅުވާލުމަށް ވަނީ ހަމަޖެހިފަ އެވެ. މިއީ 55.95 މިލިއަން ރުފިޔާއަށް 210 ދުވަސްތެރޭ ނިންމުމަށް މިކުންފުންޏާ ހަވަލުލުކޮށްފައިވާ މަޝްރޫއެއް ނަމަވެސް، އެމްޓީސީސީ މުވައްޒަފުން ގައުމީ ހީދުމަތުގެ ރޫހުގައި ނިކުމެ ރެކޯޑު މުއްދަތެއްގެ ތެރޭގައި މި މަސައްކަތް މިވަނީ ނިންމާ ސަރުކާރާއި ހަވާލުކޮށްފަ އެވެ.
