ކުރިއަށް އޮތް ރޯދައާ ދިމާކޮށް ނޯތު ހާބަރު ކެފޭ ކުރިން ހިންގި ތަނުގައި ވަގުތީ މާރުކޭޓެއް ހުޅުވަން ނިންމައިފި އެވެ.

އެގްރިކަލްޗާ މިނިސްޓްރީން ބުނި ގޮތުގައި، އަންނަ ރޯދަ މަހު ދަނޑުވެރިން އުފައްދާ ތަކެތި ފަސޭހައިން ވިއްކާނެ ވަގުތީ މާރުކޭޓުގައި ދަނޑުވެރިކަން ކުރާ 7 ރަށަކުން ވަނީ ބައިވެރިވެފަ އެވެ. އަދި މި މާރުކޭޓުން މޯލްޑިވްސް ގުޑް އެގްރިކަލްޗަރަލް ޕްރެކްޓިސެސް(އެމްގެޕް) ސެޓިފައިޑް ވެފައިވާ 10 ދަނޑުގެ އުފެއްދުންތައް ވެސް ލިބިގެން ދާނެ އެވެ.

މީގެއިތުރުން އެ މިނިސްޓްރީން ބުނީ ނޯތު ހާބަރުގައި، ކުރިން ކެފޭ ހިންގި ތަނުގައި ގާއިމް ކުރާ މާރުކޭޓް، އަންނަ އަންގާރަ ދުވަހު ހުޅުވުމަށް، ވާންޖެހޭ ތައްޔާރިތައް ވަމުން އަންނަކަމަށެވެ

.މި މާރުކޭޓުން ވިއްކާނީ ރާއްޖޭގެ ދަނޑުތަކުގައި، އުފައްދާ ތަކެއްޗެވެ. އަދި މި މާރުކޭޓްގައި ތަކެތި ވިއްކުމުގައި ހަރަކާތްތެރި ވާނީ ދިވެހިން ކަމަށްވެސް މިނިސްޓްރީން ބުންޏެވެ.