20 ރުފިޔާގެ ނޫޓުގެ ސްޓޮކް މަދުވުމާ ގުޅިގެން އާ ސްޓޮކެއް ގެނެސްފައިވާ ކަމަށް މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން ބުނެފި އެވެ.
އެމްއެމްއޭއިން މިއަދު ނެރުނު ބަޔާނެއްގައި ބުނީ "ރަން ދިހަފަހެއް" ނޫޓު ސީރީޒްގެ ނޫޓުތަކުގެ ތެރެއިން 20 ރުފިޔާގެ ނޫޓުގެ ސްޓޮކް މަދުވުމުގެ ސަބަބުން މިއަދު އާ ސްޓޮކެއް ރާއްޖެއަށް ގެނެސްފައިވާ ކަމަށެވެ. އެހެންނަމަވެސް، އަލަށް ގެނެސްފައި ވަނީ 20 ރުފިޔާގެ ގެ ކިތަށް ނޫޓު ކަމެއް އެމްއެމްއޭއިން ހާމަކޮށްފައެއް ނުވެ އެވެ.
މިމަހުގެ ކުރީކޮޅު އެމްއެމްއޭއިން ވަނީ ސްޓޮކް މަދުވުމުގެ ސަބަބުން 100 ރުފިޔާގެ އައު ނޫޓުތަކެއްވެސް ގެނެސްފަ އެވެ. ސަލާމަތީ ވަރުގަދަ ފީޗާތަކަކާ އެކު ޕޮލިމާކޮށްގެން ތައްޔާރުކޮށްގެން މިހާރު ބޭނުން ކުރަމުން އަންނަނީ "ރަންދިހަ ފަހެއް" ނޫޓު ސީރީޒް ބޭނުންކުރަން ފެށީ 2016 ގެ ޖެނުއަރީގަ އެވެ.
