ކަނޑުމަގުން ރާއްޖެ އެތެރެކުރަން ކުރަން އުޅުނު 36.43 ކިލޯގެ ހަޝީޝް އޮއިލް ކަސްޓަމްސްއިން އަތުލައިގަަނެފި އެވެ.
ކަސްޓަމްސް އިން އެކްސްގައި މިއަދު ކުރި ޕޯސްޓެއްގައި ބުނީ ރާއްޖެ އިން ބޭރުން މާލޭގެ ވިޔަފާރިވެރިންގެ ބަނދަރަށް ގެނައި މުދާ ޝިޕްމެންޓެއް ބަލައި ފާސްކުރުމުގެ ތެރޭގައި މަސްތުވާތަކެތި ކަމަށް ޝައްކު ކުރެވޭ ތަކެތި މިދިޔަ ބުރާސްފަތި ދުވަހު ފެނިފައިވާ ކަމަށެވެ. އެގޮތުން، ފުރަތަމަ މަރުޙަލާގެ ޓެސްޓުތަކުން މި ތަކެތި މަސްތުވާތަކެތީގެ ބާވަތެއްކަމަށްވާ ހަޝިޝް އޮއިލްއަށް ޕޮޒިޓިވް ވެފައިވާކަމަށް ކަސްޓަމްސްއިން ބުންޏެވެ.
މީގެއިތުރުން، ކަސްޓަމްސްއިން ބުނީ މި ޝިޕްމެންޓުން އަތުލައިގަނެވުނު ހަޝިޝް އޮއިލްގެ ބަރުދަނުގައި 36.43 ކިލޯ ހުންނާނެ ކަމަށެވެ. އަދި އެތަކެތީގެ މަގުމަތީ އަގު 29 މިލިއަން ރުފިޔާއަށް އަރާނެ ކަމުގައި ކަސްޓަމްސް އިން ބުންޏެވެ.
ކަސްޓަމްސްއިން އިތުރަށް ބުނީ އެ މައްސަލަ އިތުރަށް ތަހުގީގުކުރުމަށް ފުލުހުންގެ ހިދުމަތަށް ހުށަހަޅައި، އަތުލައިގަނެފައިވާ މަސްތުވަތަަކެތި އެ ހިދުމަތާ މިހާރު ހަވާލުކޮށްފައިވާ ކަމަށެވެ.
