15 މީހުންނާ އެކު ކ.ދޫނިދޫ ކައިރިން ދަތުރުކުރަމުންދިޔަ މަސް ދޯންޏެއްގައި އަލިފާން ރޯވެގެން، އެމްއެންޑީއެފް މާލޭ އޭރިއާ ކޮމާންޑް، ހުޅުމާލޭ ފަޔާ ސްޓޭޝަނުން ހަރަކާތްތެރިވާން ފަށައިފި އެވެ.
ފުލުހުން ބުނި ގޮތުގައި ކުރުނބާ މޯލްޑިވްސް ކައިރިން ދަތުރު ކުރަމުން ދިޔަ ދޯންޏެއްގައި އަލިފާން ރޯވެފައިވާ ކަމުގެ މައުލޫމާތު މިއަދު 14:54 ގައި ލިބިފައިވާ ކަމަށެވެ. މި ހާދިސާ ހިންގިވަގުތު ދޯނީގައި 15 މީހުން ތިއްބެވެ. އަދި މި ހާދިސާގައި އަނިޔާވި މީހުން މާލެ ގެންދިޔުމަށް ކުރުނބާ ގެ އުޅަންދެއް ދަތުރުކުރަމުންދާ ކަމަށް ފުލުހުން ބުންޏެވެ.
ދޯނީގައި އަލިފާން ރޯވި ސަބަބެއް އަދި އެނގިފައެއް ނުވެ އެވެ. ނަމަވެސް ފުލުހުން ދަނީ މި މައްސަލަ ބަލަމުންނެވެ.
