2025 ގެ ކާމިޔާބުތަށް ފާހަގަކުރާ ސްޕޯޓްސް އެވޯޑްސް މިއަހަރު ފަހުކޮޅު އޮންނާނެކަމަށް ސްޕޯޓްސް މިނިސްޓްރީން ބުނެފި އެވެ.
މިނިސްޓްރީއިން ބުނީ އާދިއްތަދުވަހުގެ ރޭ "މޯލްޑިވްސް ސްޕޯޓްސް އެވޯޑްސް 2025″ ބޭއްވި ނަމަވެސް 2025 ވަނަ އަހަރުގެ ކާމިޔާބީތައް ފާހަގަކުރާ އެވޯޑު ހަފުލާ، "މޯލްޑިވްސް ސްޕޯޓްސް އެވޯޑްސް 2026″ މިއަހަރުގެ ފަހުކޮޅު އޮންނާނެ ކަމަށެވެ. ޔޫތު މިނިސްޓްރީން މިފަދައިން ބުނެފައިވަނީ ބައެއް އެވޯޑު ކަޓަގަރީތަކަށް ނޮމިނޭޓްވި ފަރާތްތަކާ މެދު ސޯޝަލް މީޑިއާާގައި އިދިކޮޅުން ދަނީ ހިތްހަމަނުޖެހުން ފާޅުކުރަމުންދާ ދަނޑިވަޅެއްގަ އެވެ.
2024 ވަނަ އަހަރުގެ ކާމިޔާތައް ފާހަގަކުރާ އެވޯޑް ހަފްލާ 2025 ގައި ބާއްވަން މަސައްކަތް ކުރިނަމަވެސް އެކި ސަބަބުތަކާހުރެ އެވޯޑް ހަފްލާ ވަނީ މިއަހަރަށް ފަސްކުރެވިފައި ކަމަށްވެސް މިނިސްޓްރީއިން ވަނީ ބުނެފަ އެވެ.
މި އެވޯޑްސް ހަފްލާގައި 11 ކެޓަގަރީއަކުން ނޮމިނޭޝަން ހުށަހަޅާފަވެ އެވެ. އެއީ:
- އަހަރުގެ އެންމެ މޮޅު ކުޅިވަރު ކުޅުންތެރިޔާ / ކުޅިވަރު ކުޅުންތެރިޔާ (ފިރިހެން / އަންހެން)
- ޕަރާ ސްޕޯޓްސްމަން / ޕެރާ ސްޕޯޓްސް ވުމެން އޮފް ދަ އިޔާ (ފިރިހެނުން / އަންހެން)
- އަހަރުގެ އެންމެ މޮޅު ކުޅިވަރު ނޫސްވެރިޔާ
- އަހަރުގެ އެންމެ މޮޅު މީޑިއާ (އޮންލައިން / ބްރޯޑްކާސްޓިން)
- އަހަރުގެ އެންމެ މޮޅު ސްޕޯޓްސް މެޑިކް
- އަހަރުގެ އެންމެ މޮޅު ޓެކްނިކަލް އޮފިޝަލް (ފިރިހެން / އަންހެން)
- އަހަރުގެ އެންމެ މޮޅު ކޯޗު (ފިރިހެން / އަންހެން)
- ޒުވާން ކުޅިވަރު ކުޅުންތެރިޔާ / އަހަރުގެ އެންމެ މޮޅު ޒުވާން ކުޅިވަރު ކުޅުންތެރިޔާ (ފިރިހެނުން / އަންހެނުން)
- އަހަރުގެ އެންމެ މޮޅު ސްޕޯޓްސް ވިޝުއަލް އާޓިސްޓް
- ޕެރާ ސްޕޯޓްސްމަން / ޕެރާ ސްޕޯޓްސް ވުމެން އޮފް ދަ އިޔާ – އޮލިމްޕިކް / ނޮން އޮލިމްޕިކް (ފިރިހެން / އަންހެން)
- އަހަރުގެ އެންމެ މޮޅު ކުޅިވަރު ކުޅުންތެރިޔާ / ކުޅުންތެރިޔާ – އޮލިމްޕިކް / ނޮން އޮލިމްޕިކް (ފިރިހެން / އަންހެން)
