ބޮޑުތަކުރުފާނު މަގު ތަރައްގީކުރުމުގެ ދެވަނަ ފިޔަވަހީގެ ދަށުން މާރުކޭޓާ ހިސާބުން ނޯތު ހާބަރާ ހަމައަށް ތާރު އަޅައި ނިންމާލައިފި އެވެ.
އެމްޓީސީސީން ވަނީ އެންމެ ރެއެއްގެ ތެރޭގައި، 260 މީޓަރުގެ ސަރަހައްދެއްގައި ތާރު އަޅާ ނިންމާލާފަ އެވެ. އެމްޓީސީސީން ބުނީ، މި މަޝްރޫއުގެ ބޮޑު އިންސައްތަ މަސައްކަތް މިހާރު ނިމިފައިވާ ކަމަށެވެ. އަދި މިހާރު ކުރިއަށްދަނީ މަގުގައި ޓްރެފިކް ނިޝާންތައް ކުރެހުމާއި ބޯޑުތައް ހަރުކުރުމުގެ މަސައްކަތް ކަމަށެވެ. މީގެ އިތުރުން ޔުޓިލިޓީ ނެޓްވޯކްގެ ބައެއް މަސައްކަތްވެސް ކުރިއަށްދާ ކަމަށް ބުންޏެވެ.
އެމްޓީސީސީން ބުނީ، މި މަޝްރޫއަކީ ހިނގާބިނގާވެ އުޅުމަށް މަގު ފަހިކޮށްދިނުމުގެ ގޮތުން މާލޭގެ މަގުތައް ތަރައްގީކުރުމަށް އެޅުނު މުހިންމު ފިޔަވަޅެއް ކަމަށެވެ. އަދި މަގު ފުޅާކުރުމުގެ ސަބަބުން ޓްރެފިކް ތޮށްޖެހުމަށް ލުޔެއް ލިބިގެންދާނެ ކަމަށާއި، މި އަޕްގްރޭޑްތަކުގެ މަގްސަދަކީ މަގު ބޭނުންކުރާ ހުރިހާ ފަރާތްތަކަށް ރައްކާތެރި އުމްރާނީ ތަރައްގީ ދިނުން ކަމަށެވެ.
