ޕާކިސްތާނުގެ ބަލޫޗިސްތާނަށް މިދިޔަ ޖަނަވަރީ މަހުގެ 31 ވަނަ ދުވަހު ދިން ހަމަލާ، ދިވެހި ސަރުކާރުގެ ފަރާތުން ހަރުކަށި އިބާރާތުން ކުށްވެރިކޮށްފި އެވެ.
މި ހަމަލާއާ ގުޅިގެން ފޮރިން އެފެއާޒް އިން ނެރުނު ބަޔާނެއްގައި ބުނެފައިވަނީ، ޓެރަރިޒަމްގެ ހުރިހާ އަމަލުތަކަކީ އިންސާނިއްޔަތާ ހިލާފު، ދަށު ދަރަޖައިގެ އަމަލުތަކެއް ކަމަށެވެ. އަދި ކޮންމެ މަގުސަދެއްގައި ނަމަވެސް، ކޮންމެ ސިފައެއްގައި ހިންގާ ޓެރަރިޒަމްގެ އަމަލުތަކާ ދެކޮޅަށް ރާއްޖެއިން އަބަދުވެސް ސާބިތުކަމާއެކު ދެމިއޮންނާނެ ކަމަށް އެ ބަޔާނުގައި ވަނީ ފާހަގަކޮށްފައެވެ.
މީގެއިތުރުން، މި ހަމަލާގައި ފުރާނަ ގެއްލުނު ފަރާތްތަކުގެ އާއިލާތަކަށް ދިވެހި ސަރުކާރާއި ރައްޔިތުންގެ ފަރާތުން ވަނީ ތައުޒިޔާ ފޮނުއްވާފަ އެވެ. އަދި މި ހިތާމަވެރި ދަނޑިވަޅުގައި ދިވެހިރާއްޖެ އޮތީ ޕާކިސްތާނުގެ ސަރުކާރާއި ރައްޔިތުންނާ އެކުގައިކަން މިނިސްޓްރީން ވަނީ ހާމަކޮށްފަ އެވެ. އެ އާއެކު، މި ހަމަލާގައި އަނިޔާވި އެންމެހައި ފަރާތްތަކަށް އަވަސް ޝިފާއަކަށް އެދި ދިވެހި ސަރުކާރުން ވަނީ ދުއާ ދަންނަވާފަ އެވެ.
