އެމްއޭސީއެލް އިން ބުނި ގޮތުގައި، ވިލުފުށީގެ ބިން ހިއްކުމުގެ މަސައްކަތް ވަރަށް ބާރު ސްޕީޑްގައި ކުރިއަށްދެ އެވެ. އެގޮތުން ހިއްކަން ޖެހޭ 81 ހެކްޓަރުގެ ތެރެއިން މިހާތަނަށް 65 ހެކްޓަރުގެ ބިން ހިއްކާފައިވާކަމަށާއި، އެއީ އެ މަޝްރޫއުގެ 80% ކަމަށް ބުންޏެވެ.

ވިލުފުށީ ބިން ހިއްކުމުގެ މަޝްރޫއުއަށް އެމްއޭސީއެލް އިން ވަނީ “ފިލިޕޯ ބުރުނެލްސްޗީ" ކިޔާ ޑްރެޖަރެއް ގެނެސްފަ އެވެ. މި ޑްރެޖަރަކީ އެއްފަހަރާ 11300 ކިއުބިކް މީޓަރު ހިއްކުމުގެ ގާބިލުކަން ހުރި ޑްރެޖަރެއް ކަމަށް އެމްއޭސީއެލުން ބުންޏެވެ.

މި މަސައްކަތް ފަށާފައި ވަނީ މިދިޔަ އަހަރުގެ ނޮވެންބަރު މަހުގެ 14 ވަނަ ދުވަހުގަ އެވެ.