ފާއިތުވި އަހަރުގެ ނޮވެންބަރު މަހު ޒަކާތު ފަންޑުން ފަގީރުންނާއި މިސްކީނުންގެ ބޭސްފަރުވާއަށް 1.5 މިލިއަން ރުފިޔާ ދޫކޮށްފައިވާކަން އެ ފަންޑު މެނޭޖުކޮށް ބަލަހައްޓާ ދިވެހިރާއްޖޭގެ ޒަކާތު ހައުސްއިން ބުނެފި އެވެ.

ޒަކާތް ހައުސްއިން ބުނީ، ފަގީރުންނާ މިސްކީނުންގެ އެހީ 165 ފަރާތަކަށް ދީފައިވާއިރު، އެހީގެ ގޮތުގައި މިދިޔަ ނޮވެމްބަރު މަހު ހަމަޖެހިފައިވަނީ 1.47 ރުފިޔާ އެވެ. ނަމަވެސް، އެހީގެ ގޮތުގައި ހަރަދުކޮށްފައި ވަނީ ޖުމްލަ 1.51 ރުފިޔާ ކަމުގައި އެވެ. އެގޮތުން އެންމެ ގިނައިން ހަރަދ ކޮށްފައި ވަނީ، ކެންސަރު ބައްޔަށެވެ.

ކެންސަރު ބައްޔަށް ފަރުވާ ހޯދާ ފަރާތަކަށް 449493 ރުފިޔާގެ އެހީ ދިން އިރު ދެވަނައަށް އެންމެ ގިނައިން އެހީ ދީފައިވަނީ ހިތުގެ ބައްޔަށް ފަރުވާ ހޯދާ ފަރާތަކަށެވެ. އެގޮތުން ހިތުގެ ބައްޔަށް 63.6 ރުފިޔާ ދިނެވެ. މީގެއިތުރުން ޓްރާންސްޕްލާންޓްތަކަށް 50.9 އާއި ސިކުނޑީގެ ބަލިތަކަށް ފަރުވާ ހޯދާ ފަރާތަކަށްވެސް ވަނީ 50.9 ރުފިޔާގެ އެހީ ދީފަ އެވެ.

މީގެއިތުރުން ޒަކާތް ހައުސްއިން ވަނީ، ބޯން މެރޯ ޓްރާންސްޕްލާންޓް ހެދުމަށް ޖުމްލަ 212.9 ރުފިޔާގެ އެހީ ދީފަ އެވެ. އަދި، ރާއްޖެ އާއި ރާއްޖޭން ބޭރުގައި ވަނިކޮށް ހާލުގައި ޖެހި އެ ހާލަތުން އަރައިގަތުމަށް 69.2 ރުފިޔާގެ އެހީ ދީފައިވާ ކަމަށްވެސް ޒަކާތް ހައުސްއިން ބުންޏެވެ.