ދެކުނު އޭޝިއާގައި ފުރަތަމަ ފަހަރަށް ބޭއްވި ސާފް ފުޓްސަލް ޗެމްޕިއަންޝިޕްގައި ވާދަކޮށްގެން ތަށި ކާމިޔާބުކުރި ދިވެހި ގައުމީ ޓީމަށް ހޫނު މަރުހަބާއެއް ކިޔައިފި އެވެ.
މި މުބާރާތުގައި ވާދަކޮށް ދިވެހި ގައުމީ ޓީމުން ވަނީ ކުޅުނު ހުރިހާ މެޗަކުން މޮޅުވެފަ އެވެ.
އެހެންވެ މިކަން ފާހަގަކުރުމަށްޓަކައި ގައުމީ ޓީމު ރޭ މާލެ އައުމުން ވަނީ އާޓިފިޝަލް ބީޗުގައި ހޫނު މަރުހަބާއެއް ކިޔާފަ އެވެ.
މީގެއިތުރުން، ޓީމް މާލެ އައުމުން ވެލާނާ އިންޓަނޭޝަނަލް އެއާޕޯޓުން ސްޕޯޓްސް މިނިސްޓަރު އަބްދުﷲ ރާފިއު އާއި ފުޓްބޯޅަ އެސޯސިއޭޝަން އޮފް މޯލްޑިވްސްގެ ރައީސް އަހުމަދު ތޯރިގް ވެސް ޓީމަށް މަރުހަބާ އެއް ދެންނެވި އެވެ.
އެއަށްފަހު އާޓިފިޝަލް ބީޗުގައި ހާއްސަ ހަރަކާތްތަކެއް ބާއްވާ، ހަވާވެސް ވަނީ އަރުވާފަ އެވެ.
