މޯލްޑިވްސް ޕޯޓްސް ލިމިޓެޑް (އެމްޕީއެލް)ގެ ކޮންޓެއިނަރުތައް އެއް ތަނުން އަނެއް ތަނަށް ގެންދިއުމަށް ޓަކާ ބޭނުންކުރާ (އާރްޓީޖީ) ކްރޭންތައް އަޕްގްރޭޑް ކުރަން ނިންމައިފި އެވެ.
އެމްޕީއެލްއިން ބުނި ގޮތުގައި، މި ކްރޭންތަކުގެ މެއިންޓެނަންސް ހަދާ, އަފްގްރޭޑް ކުރުމުގެ މަސައްކަތް ކުރިއަށް ގެންދިއުމަށް ހަމަޖެހިފައިވަނީ ދެ ފޭސްއަށް ބަހާލައިގެންނެވެ. އެގޮތުން ފުރަތަމަ ފޭސްގަ ކުރިއަށްދާނީ ކްރޭންތަކުގެ ކޮންޓްރޯލް އަދި ދުއްވާ ނިޒާމްތައް ޒަމާނީ ފެންވަރަށް އަޕްގްރޭޑް ކުރުމެވެ. އަދި ދެވަނަ ފޭސް މި އަހަރުގެ ޖުލައި މަހަށް ތާވަލު ކުރެވިފައިވާއިރު, މި ފިޔަވަހީގައި ކުރިއަށްދާނީ އިންޖީނު ޒަމާނީ ކުރުމުގެ މަސައްކަތްތަށް ކަމަށް އެމްޕީއެލްއިން ބުންޏެވެ.
އާރުޓީޖީތަކަކީ 2007 ވަނަ އަހަރުން ފެށިގެން ބޭނުން ކުރަމުން އަންނަ ކްރޭންތަކެކެވެ. މި ކްރޭންތައް ބޭނުންކުރަމުން އަންނަތާ 19 ވަރަކަށް އަހަރު ވެފައިވާތީ ރައްކާތެރިކަމާއެކީ ކްރޭންތައް ބޭނުންކުރާ ކަމުގައިވާނަމަ އެ އުޅަނދު އަޕްގްރޭޑް ކުރުން ވަރަށް މުހިއްމުކަމަށް އެމްޕީއެލްއިން ބުންޏެވެ.
