ދިރާސީ އާ އަހަރުގެ ތަހުނިޔާ ރައީސުލްޖުމްހޫރިއްޔާ ޑރ މުހައްމަދު މުއިއްޒުގެ އަނބިކަނބަލުން މެޑަމް ސާޖިދާ މުހައްމަދު، ފޮނުއްވައިފި އެވެ.
ޗުއްޓީއަށް ފަހު ދަރިވަރުން މިއަދު ކިޔެވުން ފަށާފައިވާއިރު މާލެ ސަރަހައްދުގެ ސްކޫލުތަކުގައި 1,748 ދަރިވަރުން ގްރޭޑް 1 އަށް ވަނީ އެންރޯލްކޮށްފަ އެވެ. އަދި އަތޮޅުތަކުގެ ސްކޫލުތަކުގައި 3,042 ދަރިވަރުން ކިޔަވަން ފަށާނެ އެވެ.
ދިރާސީ އާ އަހަރާ ގުޅިގެން "އެކްސް" ގައި ކުރެއްވި ޕޯސްޓެއްގައި އެކަމަނާ ވަނީ، ކޮންމެ ކިޔަވާ ކުއްޖަކަށްވެސް މިއީ ފާގަތި، ބާއްޖަވެރި އަހަރަކަށް ވުން އެދި ހެޔޮ ދުއާކުރައްވާފަ އެވެ. އަދި ދިރާސީ އާ އަހަރުގެ ހެޔޮ އެދުމާއި ތަހުނިޔާ ދަރިވަރުންނާއި ބެލެނިވެރިންނާއި ތައުލީމީ ދާއިރާގެ އެދުރުންނާއި ހިންގުންތެރިންނާއި އެހީތެރިންނަށް ވެސް އަރިސްކުރެއްވި އެވެ.
