ދ. ހުޅުދެލީ ސިއްހީ މަރުކަޒަށް އަލަށް އިތުރު ކުރެވޭ އިމާރާތުގެ ޢަމަލީ މަސައްކަތް ރަސްމީކޮށް ފަށައިފި އެވެ.
މި މަޝްރޫއުގެ އަމަލީ މަސައްކަތް ފައްޓަވައިދެއްވީ ހެލްތު މިނިސްޓަރު އަބްދުﷲ ނާޒިމް އިބްރާހީމާއި އެމްޓީސީސީގެ ޗީފް އޮޕަރޭޓިން އޮފިސަރު، ސިނާން އަލީ އާއ،ި ހުޅުދެލީ ކައުންސިލް މެންބަރުން އަދި ސަރުކާރުގެ އިދާރާތަކުގެ އިސްވެރިންވެސް ބައިވެރިވެވަޑައިގެންނެވި އެވެ.
މި މަޝްރޫއުގެ ދަށުން 4905 އަކަފޫޓުގެ އިމާރާތެއް ސިއްހީ މަރުކަޒަށް އަލަށް އިތުރުކުރުމަށް ހަމަޖެހިފައިވާއިރު ވަށާ ފާރަކާއި ޕޯޓިކޯއަކާއި 225 އަކަފޫޓުގެ ބޭސް ފިހާރައެއް ތަރައްގީކުރުމަށް ވަނީ ހަމަޖެހިފައި އެވެ. މިއީ 10.06 މިލިއަން ރުފިޔާގެ 720 ދުވަސްތެރޭ ނިންމަން އެމްޓީސީސީއާއި ހަވާލުކޮށްފައިވާ މަޝްރޫއެކެވެ.
900 މީހުންގެ އާބާދީއެއް އޮންނަ ހުޅުދެލީގައި ބިނާކުރާ ސިއްހީ މަރުކަޒުގެ އައު އިމާރާތް ނިމުމާއެކު ހުޅުދެލީން ލިބޭ ސިއްހީ ފަރުވާ ފުޅާވެ ހުޅުދެލީ ރައްޔިތުންނަށް އަމިއްލަ ރަށުގައި ތިބެގެން ވަރަށް ގިނަ ސިއްހީ ކަންކަމަށް ފަރުވާކުރުމުގެ މަގުފަހި ވެގެންދާނެ ކަމަށް އެމްޓީސީސީން ބުނެ އެވެ.
