ގައުމީ ތަރައްގީ މަޑުޖައްސަން ކުރިއަށް އޮތް ކައުންސިލް އިންތިހާބުގައި ފުރުސަތު ނުދެއްވުމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވެއްޖެ އެވެ.
ރައީސް މިފަދައިން ވިދާޅުވީ، ޕީއެންސީގެ ހާއްސަ ސައިގަ ވާހަކަފުޅުދައްކަވަމުން ނެވެ. ރައީސް ވިދާޅުވި ގޮތުގަ، މި ސަރުކާރަކީ ރައްޔިތުންގެ ފަޅީގައި އޮންނަ، ރައްޔިތުންނާއި ގާތުން މަސައްކަތް ކުރާ ސަރުކާރެކެވެ. އަދި ރައްޔިތުންނާއި ސަރުކާރާއި މެދަށް އިދިކޮޅު ވިސްނުންތަކެއް ނުވެއްދުމަށް ރައީސް ވަނީ އެދިވަޑައިގަންނަވާފަ އެވެ.
މީގެއިތުރުން ރައީސް ވިދާޅުވީ، އެމަނިކުފާނު ވެވަޑައިގެންނެވި ވައުދުފުޅުތައް ހުރީ ލިޔެވިފައި ކަމަށާއި، ކަންކަން ބާރު ސްޕީޑްގައި އެކި މަރުހަލާތަކުގައި ކުރިއަށް ދާނެ ކަމަށެވެ. އެގޮތުން، ކައުންސިލަށް ހޮވަންވީ މި ވައުދު ފުޅުތަކަށް ބާރު އަޅައިދީ، މަގުފަހިކޮށްދޭނެ ބައެއް ކަމަށް ރައީސް ވިދާޅުވި އެވެ.
"ތަރައްގީއަށް ހުރަސް އަޅައި، އެކި ކަހަލަ އުޒުތައް ދަައްކާ، ތަރައްގީ މަޑުޖައްސާ، މުޖުތަމައުގެ ހަމަނުޖެހުން އުފައްދާނެ ބައެއް ބޭނުން ނުވޭ،". ރައީސް ވިދާޅުވި އެވެ.
ރަައީސް އިތުރަށް ވަނީ، ރާއްޖޭގެ މުޖުތަމައުއަށް މިހާރު ހަމަޖެހުން ގެނެވިފައިވާ ކަމަށާއި މި ހުރިހާ ހަމަޖެހުމެއް ގައުމުގައި އޮއްވާ ރައްޔިތުންގެ ތެރޭގައި ސަރުކާރުން ކުރިއަށް ގެންދަން އުޅޭ ކަންކަމުގައި ހުރަސްތައް ކުރިމަތި ކުރުވައި، ހަމަނުޖެހުން އުފައްދައި ތަރައްގީ މަޑުޖައްސުން ފަދަ ކަންކަން ކުރަން ޖާގަ ނުދިނުމަށް އިލްތިމާސް ކުރެއްވި އެވެ.
