ރޯދަ މަހު ކޮންމެ ގޭބިސީއަކަށް ސަރުކާރުން ހަދިޔާކުރާ މަސްދަޅު ކޭސް މިރެއިން ފެށިގެން ދޫކުރާ ގޮތަށް ހަމަޖެހިފައިވާ ކަމަށް ލޯކަލް ގަވާމެންޓް މިނިސްޓްރީން ބުނެފި އެވެ.
މިނިސްޓްރީއިން ބުނި ގޮތުގައި، މާލޭ ސަރަޙައްދުގައި މަސްދަޅުކޭސް ދޫކުރުމަށް ހަމަޖެހިފައިވަނީ ހުކުރުދުވަސް ފިޔަވައި ކޮންމެ ރެއަކު 8:30 އިން 11:00 އަށެވެ. އަދި ޓޯކަން ރަޖިސްޓްރޭޝަނަށް މިހާރު ހުޅުވާލާފައިވާއިރު 11 ފެބްރުވަރީ 2026 ގެ ނިޔަލަށް މަސްދަޅު ބަހައި ނިންމާނެ އެވެ. ރޯދަ ހަދިޔާގެ ޓޯކަންއަށް އެދޭނީ roadhahadhiya.mv އިންނެވެ.
މިނިސްޓަރު ވިދާޅުވީ، ގޮތުގައި މިއަހަރު ޖުމްލަ 118,673 ގޭބިސީއަކަށް މަސްދަޅު ކޭސް ދޫކުރާނެ އެވެ. މީގެ ތެރޭގައި އަތޮޅުތަކުގެ 56,918 ގޭބިސީއާއި މާލެ ސަރަހައްދުގެ 61,755 ގޭބިސީ ހިމެނެ އެވެ. މާލެ ސަރަހައްދުގައި މަސްދަޅު ކޭސް ދޫކުރުމަށް ޖުމްލަ 15 ސަރަހައްދެއް ވަނީ ކަނޑައަޅާފަ އެވެ. އެއީ މާލޭގެ 8 ސަރަހައްދަކާއި، ހުޅުމާލޭގެ 6 ސަރަހައްދެއްގެ އިތުރުން ވިލިމާލޭގެ ވެމްކޯ ސައިޓެވެ.
މާލޭގައި މަސްދަޅު ކޭސް ދޫކުރުމަށް ހަމަޖެހިފައިވާ ތަންތަން:
– މިފްކޯ މަރުކަޒު
– ސޯޝަލް ސެންޓަރ
– އެމްޓީސީސީ ސޯ މިލް
– ހެންވޭރު ބޯޅަ ދަނޑު
– ގަލޮޅު ބޯޅަދަނޑުގެ 4 ސަރަހައްދެއް
– އުމަރު ޒާހިރު ބިލްޑިންގ
– ޕޮލްކޯ ޓަވަރުގެ ތިރި
– މުޙައްމަދު ގާސިމް ޕްރީ ސްކޫލް
– ކާމިލް ދީދީ ސްކޫލް
– ހިޔާ ޓަވަރު 10
