ރޯދަ މަހު ކޮންމެ ގޭބިސީއަކަށް ސަރުކާރުން ހަދިޔާކުރާ މަސްދަޅު ކޭސް މި މަހުގެ އަންނަ ހޮނިހިރު ދުވަހު ބަހަން ފަށާނެ ކަމަށް ލޯކަލް ގަވާމެންޓް މިނިސްޓަރު އާދަމް ޝަރީފު އުމަރު ވިދާޅުވެއްޖެ އެވެ.
އެމަނިކުފާނު މިފަދައިން ވިދާޅުވީ، ރޯދަ ހަދިޔާ ބެހުމާ ގުޅޭ ގޮތުން އެކުލާވާލާފައިވާ ޓާސްކު ފޯހުން މީޑިއާތަކަށް މައުލޫމާތު ދިނުމަށް މިއަދު މިނިސްޓްރީގެ ރަށްވެހި މާލަމުގައި ބޭއްވި ޕްރެސް ބްރީފިންގައި ވާހަކަދައްކަވަމުން ނެވެ.
މިނިސްޓަރު ވިދާޅުވީ، މާލޭ ސަރަޙައްދުގައި މަސްދަޅުކޭސް ދޫކުރުމަށް ހަމަޖެހިފައިވަނީ ހުކުރުދުވަސް ފިޔަވައި ކޮންމެ ރެއަކު 8:30 އިން 11:00 އަށް ކަމަށެވެ. އަދި ޓޯކަން ރަޖިސްޓްރޭޝަނަށް މިއަދު ހުޅުވާލެވޭނެކަމަށާއި، 11 ފެބްރުވަރީ 2026 ގެ ނިޔަލަށް މަސްދަޅު ބަހައި ނިންމުމަށް ހަމަޖެހިފައިވާކަމަށް އޭނާ ވިދާޅުވި އެވެ. ރޯދަ ހަދިޔާގެ ޓޯކަންއަށް އެދޭނީ roadhahadhiya.mv އިންނެވެ.
މިނިސްޓަރު ވިދާޅުވީ، ގޮތުގައި މިއަހަރު ޖުމްލަ 118,673 ގޭބިސީއަކަށް މަސްދަޅު ކޭސް ދޫކުރާނެ އެވެ. މީގެ ތެރޭގައި އަތޮޅުތަކުގެ 56,918 ގޭބިސީއާއި މާލެ ސަރަހައްދުގެ 61,755 ގޭބިސީ ހިމެނެ އެވެ. މާލެ ސަރަހައްދުގައި މަސްދަޅު ކޭސް ދޫކުރުމަށް ޖުމްލަ 15 ސަރަހައްދެއް ވަނީ ކަނޑައަޅާފަ އެވެ. އެއީ މާލޭގެ 8 ސަރަހައްދަކާއި، ހުޅުމާލޭގެ 6 ސަރަހައްދެއްގެ އިތުރުން ވިލިމާލޭގެ ވެމްކޯ ސައިޓެވެ.
މާލޭގައި މަސްދަޅު ކޭސް ދޫކުރުމަށް ހަމަޖެހިފައިވާ ތަންތަން:
– މިފްކޯ މަރުކަޒު
– ސޯޝަލް ސެންޓަރ
– އެމްޓީސީސީ ސޯ މިލް
– ހެންވޭރު ބޯޅަ ދަނޑު
– ގަލޮޅު ބޯޅަދަނޑުގެ 4 ސަރަހައްދެއް
– އުމަރު ޒާހިރު ބިލްޑިންގ
– ޕޮލްކޯ ޓަވަރުގެ ތިރި
– މުޙައްމަދު ގާސިމް ޕްރީ ސްކޫލް
– ކާމިލް ދީދީ ސްކޫލް
– ހިޔާ ޓަވަރު 10
– ވިނަރެސް ފްލެޓްރައީސް ޑރ. މުހައްމަދު މުއިއްޒުގެ ނިންމެވުމުގެ ދަށުން މިދިޔަ އަހަރުގެ ރޯދަ މަހު ވެސް ވަނީ ކޮންމެ ގޭބިސީއަކަށް މަސްދަޅު ކޭހެއް ސަރުކާރުން ހަދިޔާކޮށްފަ އެވެ.
