2026 ވަނަ އަހަރުގެ ދިރާސީ އާ އަހަރު ރާއްޖޭގެ ސްކޫލުތަކުގެ ގްރޭޑް 1 ގައި ޖުމްލަ 4,790 ދަރިވަރުން ތައުލީމު ހާސިލުކުރަން ފަށާނެ ކަމަށް މިނިސްޓްރީ އޮފް އެޑިއުކޭޝަނުން ހާމަކޮށްފި އެވެ.
ތަފާސްހިސާބުތަކުން ދައްކާގޮތުގައި، މާލެ ސަރަހައްދުގެ ސްކޫލުތަކުގައި 1,748 ދަރިވަރުން ގްރޭޑް 1 އަށް އެންރޯލްވެފައިވާއިރު، އަތޮޅުތަކުގެ ސްކޫލުތަކުގައި 3,042 ދަރިވަރުން ކިޔަވަން ފަށާނެ އެވެ.
ދިރާސީ އާ އަހަރާ ދިމާކޮށް ދަރިވަރުން އެއް ސަރަހައްދުން އަނެއް ސަރަހައްދަށް ބަދަލުވުމަށް ބަލާއިރު، އަތޮޅުތަކުން މާލެ ސަރަހައްދަށް ޖުމްލަ 1,530 ދަރިވަރުން ބަދަލުވެފައިވެ އެވެ. އޭގެ ތެރެއިން 694 ދަރިވަރުން މާލެއަށް ބަދަލުވެފައިވާއިރު، އެންމެ ގިނަ ދަރިވަރުން ބަދަލުވެފައިވަނީ ހުޅުމާލެއަށެވެ.
މީގެއިތުރުން، މާލޭގެ ސްކޫލުތަކުން ހުޅުމާލޭގެ ސްކޫލުތަކަށް 836 ދަރިވަރުން ބަދަލުވެފައިވާކަން މިނިސްޓްރީގެ ތަފާސްހިސާބުތަކުން ދައްކައެވެ. މި ތަފާސް ހިސާބުތަށް ބިނާކޮށްފައި ވަނީ 20 ޖަނަވަރީ 2026 ގެ ނިޔަލަށް އެ މިނިސްޓްރީއަށް ލިބިފައިވާ ދަރިވަރުންގެ އެންރޯލްމަންޓް އަދި ސްކޫލް ބަދަލުވުމުގެ ރެކޯޑުތަކުގެ މައްޗަށެވެ.
