މޯލްޑިވްސް ޕޯޓްސް ލިމިޓެޑް (އެމްޕީއެލް)ގެ މުވައްޒަފަކު މަސަތްކަތްކުރަނިކޮށް ފިޓު ޖެހި ނިޔާވެއްޖެ ކަމަށް އެމްޕީއެލްއިން ބުނެފި އެވެ.
އެމްޕީއެލްއިން ބުނިގޮތުގައި، ނިޔާވެފައި ވަނީ އެމްޕީއެލްގެ މުއައްޒަފެއް ކަމަށްމާ އަމީން އަބްދުލް ހަމީދް އެވެ. އޭނާ ނިޔާވީ، މާލެ ވިޔަފާރި ބަނދަރުގެ ސަރަހައްދުގައި މިއަދު ހެނދުނު ޑިއުޓީގައި މަސައްކަތްކުރަނިކޮށް، ފިޓު ޖެހިގެންނެވެ.
ޑިއުޓީގައި ހުއްޓާ ފިޓުޖެހި، އަމީން ވެއްޓުނީ މާލޭ ވިޔަފާރި ބަނދަރުގެ ހުޅަނގު ފަރާތު ޖެޓީ ސަރަހައްދު މޫދަށް ކަމަށް އެމްޕީއެލްއިން މައުލޫމާތުދެ އެވެ. އަދި މި ހާދިސާ ހިނގުމާއެކު، ކުންފުނީގެ ހެލްތު އެންޑް ސޭފްޓީ ޑިޕާޓްމަންޓްގެ އެމަޖެންސީ ރެސްޕޮންސް ޓީމުން އެ ސަރަހައްދަށް އެޓެންޑްވެ، އެމްބިއުލަންސްގައި އަމީން އައިޖީއެމްއެޗް އަށް ގެންގޮސްފައިވާ ކަމަށް ބުންޏެވެ.
ފުލުހުން މައުލޫމާތު ދިން ގޮތުގަ، އެމްޕީއެލް ފަޅު ތެރޭގައި އަނިޔާވެފަ އޮތް މީހެއްގެ ރިޕޯޓު ވަނީ މިއަދު ހެންދުނު ލިބިފަ އެވެ. އަދި އެމީހާ ހޮސްޕިޓަލަށް ގެންދިޔަ އިރުވެސް މަރުވެފަ އޮތް ކަމަށާއި މި މައްސަލަ ތަހުގީގުކުރަމުން ދާ ކަމަށް ވެސް ބުންޏެވެ.
