ސްޓޭޓް ޓްރޭޑިން އޯގަނައިޒޭޝަން (އެސްޓީއޯ)ގެ ކޮންސްޓްރަކްޝަންސް ސޮލިއުޝަންސްގެ ރޯދަ ސޭލް ފަށައިފި އެވެ.
ވެލިގާ ހާޑްވެއާ އާއި ގުޅިގެން ކުރިޔަށް ގެންދާ މި ޕްރޮމޯޝަން ރަސްމީކޮށް ފަށާފައި ވަނީ، 21 ޖެނުއަރީ 2026 ވަނަ ދުވަހުގެރޭ ހުޅުމާލޭގެ އެސްޓީއޯ ކޮންސްޓްރަކްޝަންސް ސޮލުއިޝަންސް ޝޯރޫމްގައި ބޭއްވި ހަފްލާއެއްގަ އެވެ.
މި ޕްރޮމޯޝަން ކުރިއަށްދާނީ 22 ޖެނުއަރީ 2026ން ފެށިގެން 26 މާރިޗު 2026 ވަނަ ދުވަހުގެ ނިޔަލަށެވެ. މި ހަފްލާ ޝަރަފްވެރިކޮށްދެއްވީ ވެލިގާގެ ޑިރެކްޓަރު ޒައިދު މުހައްމަދާއި އެސްޓީއޯ ކޮންސްޓްރަކްޝަންސް ސޮލިއުޝަންސްގެ ޑިރެކްޓަރު މުހައްމަދު އީމާން އެވެ. މީގެއިތުރުން، ސިންގަޕޫރުން ރާއްޖެ ވަޑައިގެންނެވި ނިޕޯން ޕެއިންޓުގެ ޑެލިގޭޓުންވެސް ވަނީ މި ހަފްލާގައި ބައިވެރިވެ ވަޑައިގަންނަވާފަ އެވެ.
އެސްޓީއޯއިން ބުނި ގޮތުގައި، މި އަހަރުގެ ރޯދަ ސޭލްގައި ޑިސްކައުންޓް އަޅުވާނީ، އެސްޓީއޯ ކޮންސްޓްރަކްޝަންސް އިން ވިއްކާ ޕްރޮޑަކްޓްތަކުގެ ތެރެއިން، ނިޕޯން ޕެއިންޓް އަދި މަކިޓާ ބްރޭންޑްގެ ޕްރޮޑަކްޓް ތަކުގަ އެވެ. އެގޮތުން، ނިޕޯން ޕެއިންޓުގެ ހޮވާލެވިފައިވާ ޕްރޮޑަކްޓް ތަކަކުން %50 އާއި ހަމައަށް ޑިސްކައުންޓް ލިބޭނެ ކަމަށް އެސްޓީއޯއިން ބުންޏެވެ. އަދި މަކިޓާގެ ބައެއް ޓޫލްސް ތަކުން %70 އާއި ހަމައަށް ޑިސްކައުންޓް ލިބޭނެ އެވެ.
މީގެއިތުރުން، މި ޕްރޮޑަކްޓްތަކުން ކުރާ ވިޔަފާރި ތަކުން ކޮންމެ 500ރ އަކަށް ކޫޕަނެއް ލިބޭނެ ކަމަށާއި، ކޫޕަން ތަކުން ނެގޭ ލަކީ ޑްރޯ އިން ހޮވޭ 3 ފަރާތަކަށް ބޮޑެތި އިނާމުތަކެއް ލިބޭނެކަމަށްވެސް އެސްޓީއޯއިން ބުންޏެވެ. އެގޮތުން، 1 ވަނައަށް ހޮވޭ ފަރާތަކަށް 50،000ރ ގެ ވައުޗަރެއް، 2 ވަނައަށް ހޮވޭ ފަރާތަކަށް 20،000ރ ގެ ވައުޗަރެއް އަދި 3 ވަނައަށް ހޮވޭ ފަރާތަކަށް، ސްޓޯން ހޮޓެލްގައި 2 ބޭފުޅަކަށް 2 ދުވަހުގެ ހުރުން ހަމަޖެހިގެންދާނެ އެވެ.
މި ޕްރޮމޯޝަން ކުރިއަށްދާނެ އައުޓްލެޓްތަކަކީ، އެސްޓީއޯ ކޮންސްޓްރަކްޝަންސް އަމީނީ މަގު ފިހާރަ، މާލެ މަކިޓާ ޝޯރޫމް، ހުޅުމާޅެ ކޮންސަޓްރަކްޝަންސް ޝޯރޫމް، މާލެ އަދި ހުޅުމާލޭގެ ވެލިގާ ހާޑްވެއާ އައުޓްލެޓްތަކުގަ އެވެ.
އެސްޓީއޯއިން ބުނި ގޮތުގައި، ކޮންސްޓްރަކްޝަންސް ސޮލިއުޝަންސުން ކޮންމެ އަހަރަކުވެސް ރޯދަ މަހާއި ދިމާކޮށް ހާއްސަ ޕްރޮމޯޝަންތައް ތައާރަފް ކުރެ އެވެ. އެސްޓީއޯއިން ބުނި ގޮތުގައި މި ޕްރޮމޯޝަންތްކުގެ މަގްސަދަކީ، ރޯދަމަހަށް ގޭތެރެ ރެނޮވޭޓް ކުރަން ބޭނުންވާ ފަރާތްތަކަށް ހެޔޮ އަގެއްގައި ކުލައާއި ދަވާދު އަދި މި ނޫނަސް މަރާމާތު ކުރުމަށް ބޭނުން ކުރެވޭ ސާމާނު ފޯރުކޮށްދިނުމެވެ.
