ތިން ރަށެއްގައި އިސްލާމީ މަރުކަޒު ގާއިމްކުރުމަށް އިސްލާމިކް މިނިސްޓްރީން އަމިއްލަ ކުުންފުނިތަކަކާއި ހަވާލުކޮށްފި އެވެ.

އިސްލާމީ މަރުކަޒު އަޅަން ހަވާލުކުރި ތިން ރަށަކީ، ޅ. ނައިފަރު، ގއ. ވިލިނގިލި، ހއ. އިހަވަންދޫ އެވެ.

ނައިފަރު އިސްލާމީ މަރުކަޒުގެ މަސައްކަތް ހަވާލުކޮށްފައިވަނީ ސެންޓްރަލް ލައިން ޕްރައިވެޓް ލިމިޓެޑާ އެވެ. 1000 މީހުންގެ ޖާގަ ހުންނާނެ ގޮތަށް އިމާރާތްކުރަން ހަވާލުކުރި މި މަރުކަޒުގައި އަންހެނުންނަށް ނަމާދުކުރެވޭ ބައެއްވެސް ހަދާނެ އެވެ. އަދި ވުލޫކުރާ ބަޔާ، ކްލާސްރޫމާއި ލައިބްރަރީ އަދި ކޮންވެންޝަން ހޯލެއްވެސް ގާއިމްކުރާނެ އެވެ.

އިހަވަންދޫ އިސްލާމީ މަރުކަޒުގެ މަސައްކަތް ހަވާލުކުރީ ފީޑޯ ޕްރައިވެޓް ލިޓެޑާ އެވެ. މި މަސައްކަތުގައި ހަދާ 700 މީހުންގެ ޖާގައިގެ މިސްކިތުގަ ވެސް އަންހެނުންނަށް ނަމާދުކުރެވޭ ޖާގަ ހިމެނެ އެވެ. އަދި ވުލޫކުރާ ބަޔާ، ކްލާސްރޫމާއި ލައިބްރަރީ އަދި ކޮންވެންޝަން ހޯލެއްވެސް ގާއިމްކުރާނެ އެވެ.

ވިލިނގިލީގައި 700 މީހުންނަށް ނަމާދުކުރެވޭނެ ޖާގައާއެކު އިސްލާމީ މަރުކަޒެއް ތަރައްގީކުރުމަށް ހަވާލުކޮށްފައިވަނީ ކޭ އެންޑް އެފް ހޯލްޑިންގް ޕްރައިވެޓް ލިމިޓެޑާ އެވެ. މި މަރުކަޒުގައި ވެސް ކްލާސްރޫމާއި، ލައިބްރަރީ، އަދި ކޮންވެންޝަން ހޯލް ގާއިމް ކުރާނެ އެވެ.

މީގެއިތުރުން އެ ރަށުގައި ގުރުއާން މަރުކަޒެއްވެސް ތަރައްގީކުރުމަށް ވެސް ވަނީ ހަވާލުކޮށްފަ އެވެ. އެ މަސައްކަތް ހަވާލުކޮށްފައިވަނީ އަފާމީ މޯލްޑިވްސް ޕްރައިވެޓް ލިމިޓެޑާ އެވެ. މި މަސައްކަތުގެ ދަށުން، ކްލާސްރޫމް، ހިފްޒް ކޮޓަރި އަދި އޮފީސް ޖާގަ ތަރައްގީކުރާނެ އެވެ.