އަތޮޅު ތެރޭގެ 56 ރަށެއްގެ ހޮސްޕިޓަލްތަކާއި، ސިއްހީ މަރުކަޒުތަކަށް ބޭނުންވާ އެންބިއުލާންސް ރާއްޖެ ގެނެސްފި އެވެ.
މިއީ އަތޮޅުތެރޭގެ ސިއްހީ ހިދުމަތްދޭ ހޮސްޕިޓަލްތަކާއި ސިއްހީ މަރުކަޒުތަކުގައި ހުރި ބޭނުންނުކުރެވޭ ވަރަށް ހަލާކުވެ، ވީރާނާވެފައިވާ އެމްބިއުލާންސްތަކުގެ ބަދަލުގައި އަލަށް ހޯދާ އެމްބިއުލާންސްތަކެކެވެ.
މިނިސްޓްރީން ބުނި ގޮތުގައި، މިއީ 65.3 މިލިއަން ރުފިޔާގެ މަޝްރޫއެކެވެ. އަދި މި މަޝްރޫއުގެ ދަށުން 56 ރަށަކަށް ބޭނުންވާ އާ އެމްބިއުލާންސްތައް ފޯރުކޮށްދޭނެ އެވެ.
މިވަގުތު އެމްބިއުލަންސްގެ ހިދުމަތް މެދުކެނޑިފައިވާ ރަށްތައް ފާހަގަކޮށް ކޮންޓްރެކްޓާ ފައިނޭންސް އުސޫލުން 56 އެމްބިއުލަންސް ގެނައުމަށް އެމްޕީއެލްއާ ހަވާލުކުރީ 2025 ވަނަ އަހަރުގެ ތެރޭގަ އެވެ. ތިން ބުރަކަށް ބަހާލައިގެން އެމްޕީއެލް އިން ވަނީ މިހިނގާ ޖަނަވަރީ މަހުގެ ތެރޭގައި ހުރިހާ އެމްބިއުލަންސް ރާއްޖެއަށް ގެނެސްފަ އެވެ.
