ހުމާއި އަރިދަފުސް ރޯގާ ހުންނަ ހުރިހާ ފަރާތްތަކަށް ހާއްސަކޮށް ފުލޫ ކްލިނިކެއް އައިޖީއެމްއެޗްގައި ގާއިމްކޮށްފި އެވެ.
އައިޖީއެމްއެޗްއިން ބުނި ގޮތުގައި، މި ދުވަސްކޮޅު ހުމާއި އަރިދަފުސް ރޯގާ ގިނަ ވުމުން އެކަމަށް ހާއްސަކޮށް ފްލޫ ކްލިނިކެއް އެ ހޮސްޕިޓަލްގައި ވަނީ ގާއިމްކޮށްފަ އެވެ.
ފުލޫ ކްލިނިކިން ފަރުވާ ހޯދަން ބޭނުންވާ ފަރާތްތައް އެންމެ ފުރަތަމަ އަންނަން ޖެހޭނީ އެމަޖެންސީ ޓްރައިޖަށް އަށެވެ. އަދި ކިއުބީ ސިސްޓަމް މެދުވެރިކޮށް ފްލޫ ކްލިނިކަށް ނަންބަރު ނެގުމަށްފަހު، ޓްރިއޭޖް ނަރުހުގެ އިރުޝާދާ އެއްގޮތަށް ފްލޫ ކްލިނިކަށް ނުވަތަ އެމަޖެންސީ ރޫމަށް ދިއުމަށް އައިޖީއެމްއެޗުން ވަނީ އެދިފަ އެވެ.
އައިޖީއެމްއެޗްގެ މި ކްލިނިކުން ޑޮކްޓަރަށް ދެއްކުމާއި ލޭގެ ސާމްޕަލް ނެގުން ކޮންމެ ދުވަހެއްގެ ހެނދުނު 10:00 އިން ރޭގަނޑު 22:00 އަށް އެ ހޮސްޕިޓަލްގެ ކޮންސަލްޓޭޝަން ރޫމް ނަންބަރު 10 އިން ލިބިވަޑައިގަންނަވާނެ ކަމަށް އައިޖީއެމްއެޗްއިން ބުންޏެވެ.
މި ދުވަސްވަރަކީ ގިނަ ބަޔަކު އުމްރާގެ އަޅުކަމަށް ފަހު ރާއްޖެ އަނބުރާ އަންނަ ދުވަސްވަރަކަށް ވާތީ މީގެ ކުރިން ވެސް ހުމާއި ރޯގާ ފަދަ ކަންކަމަށް ސަމާލުވުމަށް އިލްތިމާސްކޮށްފައިވެ އެވެ.
