ރާއްޖޭގައި ނުކުޅެދުންތެރިކަން ހުންނަ މީހުންގެ ގޮތުގައި 15،000 އަށް ވުރެ ގިނަ މީހުން މިދިޔަ އަހަރު ނިމުނުއިރު ރަޖިސްޓްރީކޮށްފައިވާ ކަމަށް ނޭޝަނަލް ސޯޝަލް ޕްރޮޓެކްޝަން އެޖެންސީ (އެންސްޕާ) އިން ހާމަކޮށްފި އެވެ.
އެންސްޕާ އިން އާންމުކޮށްފައިވާ އެންމެ ފަހުގެ ތަފާސްހިސާބުތަކަށް ބަލާއިރު، ނުކުޅެދުންތެރިކަން ހުންނަ މީހުންގެ ގައުމީ ދަފްތަރުގައި މިހާތަނަށް ޖުމްލަ 15،059 މީހުން ވަނީ ރެޖިސްޓްރީވެފައިވެ އެވެ. އެއީ 8،736 ފިރިހެނުން އަދި 6323 އަންހެނުންނެވެ.
ރެޖިސްޓްރީކުރި މީހުންގެ އުމުރުފުރާއަށް ބަލާއިރު:
- 18 އަހަރުން ދަށުގެ 1539 އަންހެން ކުދިންނާއި 3560 ފިރިހެން ކުދިން
- 18 އަހަރާއި 64 އަހަރާ ދެމެދުގެ 3724 އަންހެނުންނާއި 3929 ފިރިހެނުން
- 65 އަހަރުގެ މަތި 1060 އަންހެނުންނާއި 1247 ފިރިހެނުން
މި ސަރުކާރުން ދަނީ ނުކުޅެދުންތެރިކަން ހުންނަ ފަރާތްތަކުގެ ހައްގުތައް ކަށަވަރުކޮށްދީ، އެފަރާތްތަކަށް ދޭ އިނާޔަތްތަކާއި ހިދުމަތްތައް ހަރުދަނާކުރުމަށް ގިނަ މަސައްކަތްތަކެއް ކުރަމުންނެވެ.
