މިދިޔަ ހަފުތާގައި މާލެއާއި، ބުރިޖު އަދި ހައިވޭގައި 67 އެކްސިޑެންޓު ހިނގައިފި އެވެ.

ފުލުހުން މިއަދު އާއްމުކުރި ތަފާސްހިސާބުތަކުން ދައްކާގޮތުގައި އެއް ދުވަސް މަތިން އެންމެ ގިނަ އެކްސިޑެންޓް ހިނގާފައިވަނީ މި މަހުގެ 6 ވަނަ ވަނަ ދުވަހު އެވެ. 67 އެކްސިޑެންޓުގެ ތެރެއިން 56 އެކްސިޑެންޓު ހިނގީ މާލޭގަ އެވެ. އަދި ހައިވޭގައި 11 އެކްސިޑެންޓު ހިންގާފައިވާ ކަމަށް ތަފާސްހިސާބުތަކުން ދައްކަ އެވެ.

ފުލުހުން ބުނީ، އެ މުއްދަތުގައި އެންމެ ގިނައީ ސައިކަލާއި ކާރު ޖެހިގެން އަދި ސައިކަލާއި ސައިކަލު ޖެހިގެން ހިނގާފައިވާ އެކްސިޑެންޓްތަކެވެ. އެފަދަ 19 އެކްސިޑެންޓް ހިނގާފައިވާ ކަމަށް ތަފާސްހިސާބުތަކުން ދައްކަ އެވެ.

އެކަމަކު މި އެކްސިޑެންޓުތަކުގެ ތެރެއިން މީހަކަށް 5 އެކްސިޑެންޓެއްގަ ސީރިއަސް އަނިޔާވި އެވެ. ބާކީ 66 އެކްސިޑެންޓުގައި އެއްވެސް ސީރިއަސް އަނިޔާއެއް މީހަކަށް ލިބިފައެއް ނުވެ އެވެ. އެކަމަކު، އެ އެކްސިޑެންޓުތަކުގައި ޖުމުލަ 87 އުޅަނދަކަށް ގެއްލުންވި އެވެ.

ތަފާސްހިސާބުތަކުން ދައްކާގޮތުގައި، ގިނަ އެކްސިޑެންޓު ހިންގާފައި ވަނީ ދުވާލުގެ ވަގުތެވެ. އެގޮތުން ދުވާލުގެ ވަގުތު 46 އެކްސިޑެންޓު ހިނގިއިރު، ރޭގަނޑު ހިނގީ 21 އެކްސިޑެންޓެވެ.