ރަަސްމާލެ ހިއްކުމުގެ މަޝްރޫއުގެ ދަށުން 1،009 ހެކްޓަރު ހިއްކުމަށް ހަމަޖެހިފައިވާއިރު، ސައިޓް އޭގައި ހިއްކަން ހަމަޖެހިފައިވަނީ ޖުމްލަ 137.5 ހެކްޓަރުގެ ބިމެވެ. މީގެތެރެއިން މިހާތަނަށް 71 ހެކްޓަރު ވަނީ ހިއްކާ ނިމިފަ އެވެ. އެއީ މުޅި މަޝްރޫއުގެ 51.64 އިންސައްތަ އެވެ.

ސައިޓް އޭގެ މަސައްކަތްތައް ކުރިއަށް ގެންދަނީ، 46،000 ކިއުބިކް މީޓަރުގެ ކެޕޭސިޓީއެއް އޮންނަ ދުނިޔޭގެ އެންމެ ބޮޑު ދެ ޓްރެއިލާ ސަކްޝަން ހޮޕާ ޑްރެޖާސް ކަމަށްވާ ކްރިސްޓޮބަލް ކޮލޮން ބޭނުންކޮށްގެނެވެ.

އެމްއޭސީއެލް އިން ރަސްމާލޭ ސައިޓް އޭ ހިއްކުމުގެ މަސައްކަތް ފަށާފައިވަނީ 1 ޑިސެމްބަރު 2025 ގައެވެ. ގެދޮރުވެރިކަމުގެ އިތުރުން އެ ސަރަހައްދު ބޭނުންކުރާނީ، ސިނާއީ ބޭނުންތަކަށާއި މެރީނާގެ ބޭނުމަށެވެ. އެ ސަރަހައްދު ހިއްކާ ނިންމުމުގެ ކުރިން އެ ތަނުން 15،000 ގޯތި ލިބޭ މީހުން ކަނޑައަޅުއްވާނެ ކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވަނީ މީގެކުރިން ވިދާޅުވެފަ އެވެ.