ރާއްޖެ އަށް ބޭސް އެތެރެކުރަން ސަރުކާރުން އުފައްދާފައިވާ ކުންފުނި "ސްޓޭޓް ފާމަސޫޓިކަލް އެންޑް މެޑިކަލް ސަޕްލައި ކޯޕަރޭޝަން ލިމިޓެޑް" ދަށަށް އެސްޓީއޯގެ ހުރިހާ ފާމަސީއެއް ބަދަލުކުރުމުގެ މަސައްކަތް ފަށައިފި އެވެ.

އެސްޓީއޯއިން މިހާރު ވެސް ދަނީ196 ފާމަސީ ހިނގަމުން ނެވެ. އެވެ. މި ފާމަސީތަށް ބޭސްކުންފުނީގެ ދަށަށް ބަދަލު ކުރުމުގެ ތައްޔާރީތައް ވަމުންދާއިރު އެތަންތަނުގައި މަސައްކަތްކުރަމުންދާ 600 މުއައްޒަފުން ވެސް ބޭސް ކުންފުނީގެ ދަށަށް ބަދަލުވާނެ އެވެ.

'އެތެރެފުށާ " ވާހަކަދައްކަވަމުން އެސްޓީއޯގެ މީޑިއާ އޮފިޝަލް ޔޫސުފް ޝާހު ވިދާޅުވި ގޮތުގައި، މާލެ ސަރަހައްދުގައި ހިންގާ އެސްޓީއޯގެ ފާމަސީތައް ކުންފުނީގެ ދަށަށް ބަދަލުކުރުމެ މަސައްކަތް މި މަހު 20 ގައި ފަށާނެ އެވެ. އަދި، މުޅި ރާއްޖޭގައި ހުރި އެސްޓީއޯ ފާމަސީތައް އަންނަ ފެބުރުއަރީ މަހުގެ 15 ވަނަ ދުވަހުގެ ނިޔަލަށް ބޭސް ކުންފުނީގެ ދަށަށް ބަދަލުކޮށް ނިންމާނެ ކަމަށެވެ.

ސްޓޭޓް ފާމަސޫޓިކަލް އެންޑް މެޑިކަލް ސަޕްލައި ކޯޕަރޭޝަން ލިމިޓެޑް" ބޭސް ކުންފުނި އުފައްދާފައިވަނީ މިދިޔަ އަހަރުގެ ސެޕްޓެމްބަރު 9ގަ އެވެ. މި ކުންފުނި ހިންގަން 3-6 މަސް ދުވަސް ނަގާނެ ކަމަށް، އެ ކުންފުނީގެ މެނޭޖިން ޑިރެކްޓަރު ޑރ. ޝާހު މާހިރު މިދިޔަ އަހަރުގެ އޮކްޓޯބަރު މަހު ވަނީ ވިދާޅުވެފަ އެވެ.