އިލޮން މަސްކްގެ އާޓިފިޝަލް އިންޓެލިޖެންސް (އޭއައި) ޗެޓްބޮޓް "ގްރޮކް" ބޭނުންކުރުން އިންޑޮނޭޝިއާގައި މަނާކޮށްފި އެވެ.
އިންޑޮނޭޝިއާ ސަރުކާރުން މި ފިޔަވަޅު އަޅާފައިވަނީ، މި ޓެކްނޮލޮޖީ ބޭނުންކޮށްގެން ކުޑަކުދިންނާ ނުގުޅޭ އަދި ބޭއަދަބީ މަންޒަރުތަކާއި ވީޑިއޯ އުފެއްދުމުގެ ނުރައްކާ އޮތް ކަމަށް ފާހަގަކުރެވޭތީ އެވެ. އެއާއެކު، އިންޑޮނޭޝިއާ ވެފައިވަނީ މުޅި ދުނިޔެއިން ވެސް "ގްރޮކް" މަނާކުރި ފުރަތަމަ ގައުމަށެވެ. ގްރޮކް ނަހަމަ ގޮތުގައި ބޭނުންކުރާ މައްސަލަ ދުނިޔޭގެ ބޮޑެތި އެހެން ގައުމުތަކުން ވެސް މިހާރު ދަނީ ތަހުގީގު ކުރަމުންނެވެ.
އެގޮތުން ޔޫރަޕާއި އޭޝިއާގެ ބައެއް ގައުމުތަކުން ވެސް މިކަމާ ގުޅިގެން ހަރުދަނާ ފިޔަވަޅުތަކެއް އެޅުމަށް ދަނީ ތައްޔާރުވަމުންނެވެ. ރިޕޯޓުތައް ބުނާ ގޮތުގައި، ގްރޮކް މަނާކުރުމުގެ ކުރިން އިންޑޮނޭޝިއާ ސަރުކާރުން ވަނީ އެ ހިދުމަތުގެ އިސް އޮފިޝަލުންނާ ބައްދަލުކޮށް މަޝްވަރާކޮށްފަ އެވެ.
މި މައްސަލައިގައި އީލޮން މަސްކް މީގެ ކުރިން ބުނެފައިވަނީ ގްރޮކް ބޭނުންކޮށްގެން ނުރަނގަޅު އަމަލުތައް ހިންގާ ފަރާތްތަކާ މެދު ފިޔަވަޅު އަޅާނެ ކަމަށެވެ.
