މަޝްހޫރު އެމެރިކަން ރެޕާ ވިލީ މެކްސްވެލް (ފެޓީ ވެޕް) ޖަލުން ދޫކޮށްލައިފި އެވެ.
ފެޓީ ވެޕް ހައްޔަރު ކޮށްފައިވަނީ 2021 ވަނަ އަހަރު ފެޑެރަލް ޑްރަގް ޓްރެފިކިންގެ ދައުވާއެއް ސާބިތުވުމާ ގުޅިގެންނެވެ. އޭނާ ވަނީ ލޯންގް އައިލެންޑާއި ނިއު ޖާޒީގެ އެކި ހިސާބުތަކުގައި ކޮކެއިން، ހެރޮއިން، ފެންޓަނައިލް، އަދި ކްރެކް ކޮކެއިން ފަދަ ގިނަ އަދަދެއްގެ މަސްތުވާތަކެތީގެ ވިޔަފާރި ކޮށްފަ އެވެ.
މި މައްސަލައާ ގުޅިގެން، 2023 ވަނަ އަހަރު ފެޑެރަލް ކޯޓުން ފެޓީ ވެޕަށް 6 އަހަރުގެ ޖަލު ހުކުމެއް ކުރި އެވެ.
ނަމަވެސް ފެޓީ ވެޕް މިހާރު ވަނީ އޭނާގެ ހުކުމް ނިމުމުގެ ކުރިން ދޫކޮށްލާފަ އެވެ. މިހާރު އޭނާ ދަނީ މިއުޒިކާއި އަމިއްލަ ދިރިއުޅުމަށް ވަގުތު ދެމުންނެވެ.
