ރައްޔިތުންގެ މަޖިލީހުގެ ފުރަތަމަ ޖަލްސާ އަންނަ މަހުގެ ފަސް ވަނަ ދުވަހު ބޭއްވުމަށް ނިންމައިފި އެވެ.
ރައްޔިތުންގެ މަޖިލީހުގެ އިދާރާއިން މިއަދު ހާމަކުރި ގޮތުގައި މި އަހަރުގެ ފުރަތަމަ ޖަލްސާ އަންނަ ފެބްރުވަރީ މަހުގެ ފަސް ވަނަ ދުވަހު ހެނދުނު ނުވައެއް ޖަހާއިރު އޮންނާނެ އެވެ. މިއަހަރަށް ރައީސުލްޖުމްހޫރިއްުޔާ އިއްވަވާ ރިޔާސީ ބަޔާން ވެސް އިއްވަވާނީ އެ ޖަލްސާގަ އެވެ.
މި ޖަލްސާގައި ރައީސުލްޖުމްހޫރިއްޔާ ޑރ. މުހައްމަދު މުއިއްޒު އިއްވާ ރިޔާސީ ބަޔާނުގައި، ގައުމުގެ މިހާރުގެ ހާލަތު ބަޔާންކޮށްދެއްވައި، ސަރުކާރުގެ ކުރިމަގުގެ ތަސައްވުރާއި، ކުރިއަށް ހުރި މުހިންމު މަސައްކަތްތަކާ ގުޅޭ ތަފްސީލީ މައުލޫމާތު ހިއްސާކުރައްވާނެ އެވެ. މީގެއިތުރުން، ވޭތުވެދިޔަ ދެ އަހަރު ދުވަހުގެ ތެރޭގައި ސަރުކާރުން ހޯދާފައިވާ ކާމިޔާބީތައް ވަރަށް ތަފްސީލުކޮށް ރައްޔިތުންނާ ހިއްސާކުރައްވާނެ އެވެ.
ރިޔާސީ ބަޔާން އިއްވާ ދުވަހަކީ ސަރުކާރު ބަންދު ދުވަހެއްގެ ގޮތުގައި މީގެ ކުރިން ވެސް ވަނީ ކަނޑައަޅުއްވާފަ އެވެ. މި ޖަލްސާގައި ދައުލަތުގެ އިސްވެރިންނާއި، ބޭރު ގައުމުތަކުން ރާއްޖެއަށް ކަނޑައަޅާފައި ތިއްބަވާ ސަފީރުން ބައިވެރިވެވަޑައިގަންނަވާނެ އެވެ.
