ސަނީ އުމަރުގެ ހާޒިރުގައި، އޭނާގެ ގެ ފުލުހުން މިއަދު ބަލައި ފާސްކޮށްފި އެވެ.

ސަނީ އުމަރުގެ މައްޗަށް ތުހުމަތު ކުރެވޭ މައްސަލައިގެ ތަހުގީގަށް ބޭނުންވާ ހެކި ހޯދުމަށްޓަކައި ފުލުހުން ބަލާ ފާސްކުރީ، އޭނާ ދިރިއުޅެމުންދިޔަ އެޕާޓްމަންޓެވެ.

އެ އެޕާޓްމަންޓް ބަލައި ފާސްކުރުމަށްފަހު ފުލުހުންގެ ބެލުމުގެ ދަށުން ސަނީ ތިރިއަށް ބޭލި ވަގުތު، އެ ގޭގެ މީހުން އޭނާއަށް ހަމަލާ ދޭ މަންޒަރު ފެންނަ ވީޑިއޯތަކެއް ވަނީ ސޯޝަލް މީޑިއާގައި ވެސް އާއްމުވެފަ އެވެ.

ޖިންސީ ގޯނާގެ ސީރިއަސް ތުހުމަތުތަކާ ގުޅިގެން،  ސަނީ އުމަރު މިހާރު ހުރީ ޝަރީއަތް ނިމެންދެން ބަންދުކޮށްފަ އެވެ. މި ނިންމުން ނިންމާފައިވަނީ އޭނާގެ ބަންދަށް ކުރިން ދީފައިވާ 30 ދުވަހުގެ މުއްދަތު ހަމަވުމުން، ބަންދާ މެދު ގޮތެއް ނިންމުމަށް މި މަހުގެ 2 ވަނަ ދުވަހު ކޯޓަށް ހާޒިރުކުރުމުންނެވެ.

ޓްރެވެލް އެޖެންސީއަކާއި ޓްރެވެލް ދާއިރާގެ މީޑިއާއެއް ހިންގާ ޕީއާރު ފާމެއްގައި ވެސް އިސްކޮށް ހަރަކާތްތެރިވާ ސަނީއަށް ކުރާ ޖިންސީ ގޯނާގެ ތުހުމަތު ފުލުހުންނަށް ހުށަހެޅީ އެ ކުދިންގެ އާއިލާގެ ފަރާތުން ކަމަށް މިދިޔަށް ފުލުހުން ކުރިން ވަނީ ހާމަކޮށްފަ އެވެ.