ބޮޑުތަކުރުފާނު މަގުގައި އެންކާ ބްލޮކް އިންސްޓޯލްކުރުމުގެ މަސައްކަތް ފަށައިފި އެވެ.

މި މަސައްކަތްކުރާ މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) އިން ބުނި ގޮތުގައި، ބޮޑުތަކުރުފާނު މަގު ތަރައްގީ ކުރުމުގެ މަޝްރޫއުގެ ދެވަނަ ފިޔަވަހީގެ ދަށުން، އެ މަގުގައި އެންކާ ބްލޮކް އިންސްޓޯލްކުރުމުގެ މަސައްކަތް ވަނީ ފަށާފަ އެވެ.

އެއާއެކު، މި މަގުގެ ކާބްސްޓޯން އިންސްޓޯލް ކުރުމުގެ މަސައްކަތްވެސް މިހާރު ވަނީ 85% ނިމިފަ އެވެ. އަދި އާ ވޭސްޓް ވޯޓާ އަދި ވޯޓާ ލައިންތައް އިންސްޓޯލް ކުރުމުގެ 45% ނިމިފައިވާ އިރު، ކޭބަލް ޖަންކްޝަންގެ މަސައްކަތް މިހާރު ވަނީ ފަށާފަ އެވެ.

ބޮޑުތަކުރުފާނު މަގުގެ ދެވަނަ ފިޔަވަހީގެ ދަށުން ތަރައްގީކުރަން ނިންމާފައި ވަނީ ލޯކަލް މާރުކޭޓުން ފެށިގެން ނޯތު ހާބަރާ ހަމައަށެވެ. މި ސަރަހައްދުގެ މަސައްކަތް އަންނަ އަހަރުގެ ރޯދަ މަހުގެ ކުރިން ނިންމުމަށް މަސަތްކަތްކުރަމުންދާކަމަށް ކަމަށް އެމްޓީސީސީން ވަނީ ބުނެފަ އެވެ.