ރާއްޖޭގެ ހުނަރުވެރި މަސައްކަތްތެރިންނާއި ހިދުމަތްތަކަށް ބޭނުންވެފައިވާ ފަރާތްތައް އެއް ފުރާޅެއްގެ ދަށުން ގުޅުވައިދިނުމަށް ތައްޔާރުކުރި ރާއްޖޭގެ ފްރީލާންސް މަސަތްކަތްތެރިންނަސް ހާއްސަ "ޓާސްކިން" އެޕް ރަސްމީކޮށް އިފްތިތާހުކޮށްފި އެވެ.
މި އެޕްލިކޭޝަން މިހާރު އެޕަލް އެޕް ސްޓޯރާއި ގޫގުލް ޕްލޭ ސްޓޯރުން އާންމުންނަށް ލިބޭނެ އިންތިޒާމު ވަނީ ހަމަޖައްސާފަ އެވެ. މި މަޝްރޫއުގެ މައިގަނޑު މަގްސަދަކީ ރާއްޖޭގެ އެކި ރަށްރަށުގައި ތިބި ތަފާތު ދާއިރާތަކުގެ ހުނަރުވެރި ޕްރޮފެޝަނަލުންނާއި، ރާއްޖޭގެ އެކި ކަންކޮޅުތަކުން ހިދުމަތްތަކަށް ބޭނުންވާ ކްލައިންޓުން ފަސޭހަކަމާއެކު ގުޅުވައިދިނުމެވެ.
"ޓާސްކިން" ފަރުމާކޮށްފައި ވަނީ ފްރީލާންސަރުންނާއި ކްލައިންޓުންނަށް ވެސް އެންމެ ފަސޭހަ ގޮތަކަށް ހިދުމަތް ބޭނުންކުރެވޭނެ ގޮތަށެވެ. މި ޕްލެޓްފޯމް މެދުވެރިކޮށް ހުނަރުވެރި މަސައްކަތްތެރިންނަށް އެމީހުންގެ ކެރިއަރު ކުރިއެރުވުމަށް ފުރުސަތު ލިބިގެންދާއިރު، ވިޔަފާރިތަކާއި އަމިއްލަ ފަރުދުންނަށް ކޮންމެ މަސައްކަތަކަށް ވެސް އިތުބާރު ކުރެވޭ ދިވެހި ހުނަރުވެރިން އަވަހަށް ހޯދޭނެ މަގު ފަހިވެގެންދާނެ އެވެ.
މި އެޕްގެ މައިގަނޑު އަމާޒަކީ ރާއްޖޭގެ އިގްތިސާދީ ކުރިއެރުމަށް އައު ފުރުސަތުތަކެއް ފަހިކޮށްދިނުމެވެ. "ޓަސްކިން" ތައާރަފް ކުރުމަކީ ހަމައެކަނި މޯބައިލް އެޕެއް ތައާރަފްކުރުން ނޫން ކަމަށާއި، މިއީ ރާއްޖޭގައި 'ޑިޖިޓަލް-ފަސްޓް' އިކޮނޮމީއަކަށް ވާސިލުވުމަށް ކުރާ މަސައްކަތުގެ މުހިންމު ފެށުމެއް ކަމަށް އެ ޓީމުން ގަބޫލުކުރެ އެވެ.
