ބީއެމްއެލްގެ އެފޯޑަބަލް ހޯމް ލީސިން ކުންފުނިން ގިނަ އަދަދެއްގެ ހައުސިން ޔުނިޓު ތަކެއް އަޅަން ޗައިނާގެ ދެ ކުންފުންޏަކާ ހަވާލުކޮށްފި އެވެ.
ހައުސިން ޔުނިޓު ހަވާލުކޮށްފައި ވަނި ޗައިނާގެ ދެ ކުންފުނަޏަކަށްވާ ބެއިޖިން އާބަން ކޮންސްޓްރަކްޝަން ގްރޫޕް (ބީޔޫސީޖީ)އާއި ޗައިނާ މެޝިން އިންޖިނިއަރިން ކޯޕަރޭޝަން (ސީއެެމްއީސީ) އާ އެވެ. އެގޮތުން، ބީޔޫސީޖީ އާ ހަވާލުކޮށްފައި ވަނީ 1،117 ހައުސިން ޔުނިޓުު އެޅުމަށެވެ. އަދި (ސީއެެމްއީސީ) އާ ހަވާލުކުރީ 1،224 ހައުސިން ޔުނިޓު އެޅުމަށެވެ.
މި ކޮންޓްރެކްޓަރުން ހޮވާފައިވަނީ ބީއެމްއެލް އިން ބުނިގޮތުގައި އެމްއެމްއޭގެ އިންކްލޫސިވް ނެޝަނަލް އެފޯޑަބަލް ހައުސިން ސްކީމްގެ ދަށުން ގާއިމުކޮށްފައިވާ ގަވަނަންސް އަދި ރިސްކް ސްޓޭންޑާޑްތަކާ އެއްގޮތަށް ކުރިއަށް ގެންދިޔަ އިވެލުއޭޝަން މަރުހަލާ ފުރިހަމަކުރުމަށް ފަހުގަ އެވެ.
ބީއެމްއެލް އެފޯޑަބަލް ހޯމް ލީސިން ކޮމްޕެނީ އުފައްދާފައިވަނީ އެމްއެމްއޭގެ އައިއެންއޭއެޗް ސިޔާސަތު ތަންފީޒުކުރުމަށް ހާއްސަކޮށްފައިވާ ބެންކުގެ ސަބްސިޑީއެއްގެ ގޮތުގަ އެވެ. މި ކުންފުނި ހިންގަމުންދަނީ އެމްއެމްއޭގެ ހުއްދައާއެކު، ޝަރީއާ ހަމަތަކާ އެއްގޮތްވާ ގޮތުގެ މަތީންނެވެ.
