ބޮޑުތަކުރުފާނު މަގު މަގުގައި ޝީޓް ޕައިލިން އެޅުމުގެ މަސައްކަތް ފަށައިފި އެވެ.
އެމްޓީސީސީއިން ބުނި ގޮތުގައި، ބޮޑުތަކުރުފާނު މަގު ތަރަށްގީ ކުރުމުގެ މަޝްރޫއުގެ ދެވަނަ ފިޔަވަހީގެ ދަށުން، އެ މަގުގައި ޝީޓް ޕައިލިން އެޅުމުގެ މަސައްކަތްވަނީ ފަށާފަ އެވެ. އެއާއެކު، ކުރީގެ ކުއޭ ވޯލް ނެގުމުގެ މަސައްކަތުގެ 65% އާއި ސެޓަލްމެންޓް ޓޭންކްތައް ހަރުކުރުމުގެ މަސައްކަތުގެ 40% ނިމިފައިވާ ކަމަށްވެސް އެ ކުންފުނިން ވަނީ ބުނެފަ އެވެ.
މީގެއިތުރުން، އެމްޓީސީސީއިން އިން އެ މަގުގައި ނަރުދަމާ އެޅުމާއި ފެން ހޮޅިތައް އެޅުމުގެ މަަސައްކަތް މި ހަފްތާގެ ތެރޭގައި އެއްކޮށް ނިންމާނެ ކަމަށްވެސް އެމްޓީސީސީއިން ބުންޏެވެ.
ބޮޑުތަކުރުފާނު މަގުގެ ދެވަނަ ފިޔަވަހީގެ ދަށުން ތަރައްގީކުރަން ނިންމާފައި ވަނީ ލޯކަލް މާރުކޭޓުން ފެށިގެން ނޯތް ހާބަރާ ހަމައަށެވެ. މި ސަރަހައްދުގެ މަސައްކަތް އަންނަ އަހަރުގެ ރޯދަ މަހުގެ ކުރިން ނިންމުމަށް މަސަތްކަތްކުރަމުންދާކަމަށް ކަމަށް އެމްޓީސީސީއިން ވަނީ ބުނެފަ އެވެ.
