ވެލާނާ އިންޓަރނޭޝަނަލް އެއާޕޯޓް (ވީއައިއޭ)ގެ އާ ފަސިންޖަރު ޓާމިނަލް, ޓާމިނަލް 1 އިން މޮލްޑޯވާގެ އެއާލައިނެއް ކަމަށްވާ ހައި-ސްކައި އަށް ހިދުމަތް ދޭން ފަށައިފި އެވެ.
ޓާމިނަލް 1 އިން ހައި-ސްކައިއަށް ހިދުމަތް ދޭން ފެށުން ފާހަގަކުރުމަށް ޓާމިނަލުގައި މިއަދު ވަނީ ހާއްސަ ރަސްމިއްޔާތެއް ބާއްވައިފަ އެވެ.
އެ ރަސްމިއްޔާތު ޝަރަފުވެރިކޮށްދެއްވީ، މޯލްޑިވްސް އިންފްލައިޓް ކޭޓަރިންގެ ގްރޫޕްގެ ޖެނެރަލް މެނޭޖަރު އަލީ ޝާކިރު؛ ވޮޔޭޖާސް މޯލްޑިވްސްގެ ޑެޕިއުޓީ މެނޭޖަރު އިގްނާޒް މަންސޫރާއި ހައި ސްކައި އާއި އެމްއޭސީއެލްގެ އިސްވެރިންނާއި އޮފިޝަލުނެވެ.
މީގެއިތުރުން، ޓާމިނަލް 1 އަށް ކައިރި ކުރި ހައި-ސްކައިގެ ފުރަތަމަ ފްލައިޓަށް ވަނީ، ވޯޓާ ސެލިއުޓެއް އަރުވާފަ އެވެ.
