ނޭޝަނަލް ޑްރަގް އޭޖެންސީ (އެންޑީއޭ)ގެ ބޯޑުގެ ޗެއާޕާސަންގެ މަގާމަށް ހޯމްލޭންޑް ސެކިއުރިޓީ އެންޑް ޓެކްނޮލޮޖީ މިނިސްޓްރީގެ ސްޓޭޓް މިނިސްޓަރު އަހުމަދު ސިއްދީގު އައްޔަނުކޮށްފި އެވެ.
މިކަން ހާމަކޮށް ސޯޝަލް މީޑިއާގައި އެ އޭޖެންސީގެ ރަސްމީ އެކައުންޓުން ކުރި ޕޯސްޓުގައި ވަނީ އޭނާއަށް މިއަދު މަރުހަބާ ކިޔާފަ އެވެ.
އެ މަގާމަށް މިއަދު އައްޔަނުކުރި ސިއްދީގަކީ ރައީސް އަބްދުﷲ ޔާމީންގެ ވެރިކަމުގައި ހޯމް މިނިސްޓްރީގެ ޑެޕިއުޓީ މިނިސްޓަރަކަށް ހުންނެވި ބޭފުޅެކެވެ.
އެންޑީއޭގެ ޗެއާޕާސަންގެ މަގާމު ހުސްވީ، ކުރިން އެ މަގާމުގައި ހުންނެވި ލުބްނާ ޒާހިރު ހުސައިން ފޮރިން މިނިސްޓްރީ އަށް ބަދަލުކުރުމާ ގުޅިގެން ނެވެ.
ސިއްދީގަކީ މީގެކުރިން ޑިޕާޓްމަންޓް އޮފް ޖުވެނައިލް ޖަސްޓިސް ހިންގެވުމުގައިވެސް އިސްކޮށް އުޅުއްވި ބޭފުޅެކެވެ. .
