ކުރިއަށް އޮތް ލޯކަލް ކައުންސިލް އިންތިހާބާއި އަންހެނުންގެ ތަރައްގީއަށް މަސައްކަތްކުރާ ކޮމިޓީގެ އިންތިހާބުގައި ވެރިކަން ކުރާ ކޮންގްރެސް ޕާޓީން ވާދަކުރާ ކެންޑިޑޭޓުން ހޮވުމަށްޓަކައި މި މަހުގެ 28 ގައި އެ ޕާޓީގެ ޕްރައިމަރީ ބާއްވާނެ ކަން އިއުލާނުކޮށްފި އެވެ.
ޕްރައިމަރީގެ ތައްޔާރީތަކާއި ގުޅިގެން މައުލޫމާތު ދިނުމަށް ބޭއްވި ނޫސްވެރިންގެ ބައްދަލުވުމުގައި ކޮންގްރެސް ޕާޓީގެ ޕީޖީ ލީޑަރު އިބްރާހީމް ފަލާހު ވިދާޅުވީ މި މަހުގެ 28 ގައި ބާއްވާ ޕްރައިމަރީގެ އުސޫލުތައް މިރޭ އުސޫލުތައް އާއްމުކުރާނެ ކަމަށެވެ.
މިއީ މިހާތަނަށް ބާއްވާ އެންމެ ބޮޑު ޕްރައިމަރީކަން ފާހަގަކުރައްވާ ފަލާހު ވިދާޅުވީ މިއަދު އެތެރޭގެ އިންތިހާބަށް ކުރިމަތިލުމުގެ ފުރުސަތު ހަމަވިއިރު ބޮޑު ތަރުހީބެއް ލިބިގެންދިޔަ ކަމަށެވެ. އޭނާ ވިދާޅުވީ މިއީ އެންމެ ގިނަ ކެންޑިޑޭޓުން ޕްރައިމަރީއަށް ކުރިމަތިލި ފަހަރު ކަމަށެވެ.
އެގޮތުން ކައުންސިލް އިންތިހާބުގައި އިންތިހާބުކުރާ 94% ގޮނޑިއަށް ކެންޑިޑޭޓުން ކުރިމަތިލާފައިވާ ކަމަށެވެ. އެކަމަކު ޕްރިމަރީގައި ވާދަކުރާ ކެންޑިޑޭޓުން ހޮވާނީ އެޕާޓީގެ އިލްކެޝަންސް ކޮމިޓީން ޝަރުތުހަމަވޭތޯ ބެލުމަށްފަހު ކަމަށެވެ.
ފަލާހު ވަނީ ޕްރައިމަރީ މިނިވަންކަމާއި އެކު ކުރިއަށްދާނެ ކަމުގެ ޔަގީންކަން ދެއްވާފަ އެވެ.
