އެއާޕޯޓުގައި ދަތުރުކުރާއިރު ގަވާއިދުތަކަށް ފުރިހަމައަށް އަމަލުކުރުމަށް މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް) އިން އިލްތިމާސްކޮށްފި އެވެ.
އެމްއޭސީއެލްއިން ސޯޝަލް މީޑިއާގައި ކުރި ޕޯސްޓެއްގައި ބުނެފައިވަނީ، އެއާޕޯޓުގައި ދަތުރުކުރާއިރު އެ ކުންފުނިން ކަނޑައަޅާފައިވާ ރައްކާތެރިކަމުގެ މިންގަނޑުތަކަށް އަމަލުކުރުމަށާއި، ޓްރެފިކް ގަވާއިދުތަކަށް ފުރިހަމައަށް ތަބާވުމަށެވެ.
މީގެއިތުރުން، ދަތުރުކުރާއިރު ކަނޑައަޅާފައިވާ މިންގަނޑަށްވުރެ އިތުރަށް ފަސިންޖަރުން ނުނެގުމަށާއި، އެސްޓޭޓް ސެކިއުރިޓީ އޮފިސަރުންގެ އިރުޝާދުތަކަށް ތަބާވުމަށްވެސް އެމްއޭސީއެލްއިން ވަނީ އިލްތިމާސްކޮށްފައެވެ.
އެއާޕޯޓު ސަރަހައްދުގައި އުޅަނދުތައް ގަވާއިދާ އެއްގޮތަށް އަމަލުކުރާކަން ކަށަވަރުކުރުމަށް، އެއާޕޯޓުގައި ސެކިއުރިޓީ ސްޓާފުން ވެސް އެ ސަރަހައްދުތަކުގައި ހަރަކާތްތެރިވާއިރު، އަލަށް ހުޅުވި ޓާމިނަލާއި އެކު އެކަންކަން ބެލެހެއްޓުން ވަނީ ހަރުދަނާކޮށްފަ އެވެ.
