ރާއްޖެ ޓްރާންސްޕޯޓް ލިންކް (އާރްޓީއެލް) ފެރީ ހިދުމަތް ނ. އަތޮޅާއި ރ. އަތޮޅާއި ދެމެދު ފަށަން ތައްޔާރުވެއްޖެ އެވެ.
މި ހިދުމަތް ފަށަން ހަމަޖެހިފައިވަނީ އަންނަ އާދީއްތަ ދުވަހު އެވެ. އެގޮތުން، އެ ދެ އަތޮޅު އާރްޓީއެލްގެ ވިއުގައިން ގުޅުވާލުމަށް ކަނޑައަޅާފައިވާ 2 ރަށަކީ ނ. މަނަދޫއާއި ރ. އުނގޫފާރެވެ.
މި ހިދުމަތް ދިނުމަށް ބޭނުންކުރާނީ 32 ފަސިންޖަރުންގެ ޖާގައިގެ ފެރީއެކެވެ. އަދ،ި މި ފެރީގައި 2 ސީޓު އެންސްޕާގައި ރަޖިސްޓްރީ ވެފައިވާ ހާއްސަ އެހީއަށް ބޭނުންވާ ފަރާތްތަކަށް ވަނީ ހާއްސަ ކުރެވިފަ އެވެ.
ރ. އަތޮޅާއި ނ. އަތޮޅާއި ދެމެދު އާރްޓީއެލް ފެރީ ހިދުމަތް ފެށިގެން ދިއުމާއެކު، މިދެއަތޮޅުގެ ރައްޔިތުންނަށް އިގްތިސާދީ ގޮތުންނާއި އިޖުތިމާއީ ގޮތުން ގިނަގުނަ ފައިދާތަކަކާއި މަންފާތަކެއް ލިބޭނެކަމަށް އެމްޓީސީސީން މައުލޫމާތުދިނެވެ.
