ކުއްޖަކަށް ބިރުދައްކައި ސިނގިރޭޓް ދިން މައްސަލައެއް

shaheedh-hussein-adam-building-police-fuluhun-7-of-12-1024x684-1-1024x630

ކުއްޖަކަށް ބިރުދައްކައި ސިނގިރޭޓް ދިން މައްސަލައެއް

SHARE

ދައުލަތުގެ ބެލުމުގެ ދަށުގައި ތިބި ކުދީންތަކެއް އެހެން ކުއްޖަކަށް ގަދަކަމުން ސިނގިރޭޓް ދިން މައްސަލައެއް ބަލަން ފަށައިފި އެވެ.

ސޯޝަލް މީީޑިއާގައި އެ ކުއްޖާގެ ބައްޕަ ބުނީ އޭނާގެ 10 އަހަރުގެ ފިރިހެން ދަރިފުޅު، މަޣުރިބު ނަމާދަށް ދިޔަ މަގުމަތީގައި، ސޯޝަލް އެންޑް ފެމިލީ މިނިސްޓްރީގެ ބެލުމުގެ ދަށުން ބަލަހައްޓާ 17 އަހަރުގެ ދެ ކުއްޖަކު އޭނާއަށް ބިރުދައްކާފައި ކަމަށެވެ. އޭނާ ބުނި ގޮތުގައި އެ މީހުން ވަނީ ކުއްޖާއަށް ގަދަކަމުން ސިނގިރޭޓު ބޯންދޭން އުޅެފަ އެވެ. އަދި ކުއްޖާގެ ގައިގައި ސިނގިރޭޓު ޖައްސައި، އެކަން މައިންބަފައިންގެ ގާތުގައި ބުނެފި ނަމަ، އެމީހުން މަރާލާނެ ކަމުގެ އިންޒާރު ވެސް އެ ކުއްޖާއަށް ދިން ކަމަށް ވެސް އެ ކުއްޖާގެ ބައްޕަ ބުންޏެވެ.

ފުލުހުން ބުނީ ދައުލަތުގެ ބެލުމުގެ ދަށުގައި އަތޮޅުތެރޭގެ ރަަށެއްގައި ތިބޭ ކުދީންތަކެއް އެ ރަށުގެ ކުއްޖަކަށް ގަދަކަމުން ސިނގިރޭޓް ދިން މައްސަލައެއް ހުށައަޅާފައިވާ ކަމަށެވެ. އެ މައްސަލަ ހުށައަޅާފައި ވަނީ އިއްޔެގެ ވަގުތެއްގަ އެވެ. ފުލުހުން ބުނި ގޮތުގައި މި މައްސަލަ ކަމާގުޅުންހުރި އިދާރާތަކާއި ގުޅިގެން ދަނީ އިތުރަށް ތަހުގީގު ކުރަމުންނެވެ.