މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) އިން ކުރިއަށް ގެންދާ ޓެކްސީ ލައިނަށް ކުރިމަތިލުމުގެ ފުރުސަތު ހުޅުވާލައިފި އެވެ.

އެމްޓީސީސީން ބުނީ، އެ ކުންފުނީގެ ޓްރާންސްޕޯޓުގެ ހިދުމަތް ފުޅާކުރުމާ އެކު 122 ޕާޓްޓައިމް ޑްރައިވަރުންނާއި 285 ފުލްޓައިމް ޑްރައިވަރުން ހޯދަން އިއުލާން ކޮށްފައިވާ ކަމަށެވެ.

މީގެއިތުރުން، މުއަޒަފުން ނަގާއިރު އިސްކަންދެވޭނީ ޓްރާންސްޕޯޓް މިނިސްޓްރީގެ ޓެކްސީ ޑްރައިވަރުންގެ ދަފްތަރުގައި ރަޖިސްޓްރީކޮށްފައިވާ ޑްރައިވަރުންނަށް ކަމަށ ްއެމްޓީސީސީން ބުނެފައިވެ އެވެ. އެމްޓީސީސީގެ ކެރިއާ ޕޯޓަލް މެދުވެރިކޮށް އޮންލައިންކޮށް ފޯމު ހުޅުވާލާފައިވާއިރު، ފޯމު ހުށަހެޅުމުގެ ސުންގަޑިއަކީ ޑިސެމްބަރު މަހުގެ 17 ވަނަ ދުވަހެވެ.

މިކަމަށް ޝައުގުވެރިވާ ފަރާތްތަކަށް mtcc.mv/careers މެދުވެރިކޮށް އެ ކުންފުނީގެ ޓެކްސީ ލައިނަށް ކުރިމަތިލެވޭނެ އެވެ.